മലയാളസിനിമയിലെ ഹിറ്റ് ചിത്രങ്ങളിൽ ഒന്നായിരുന്നു ലാൽ ജോസ് സംവിധാനം ചെയ്ത ‘ക്ലാസ്മേറ്റ്സ്’. കലാലയ സൗഹൃദത്തിന്റെ കഥ പറഞ്ഞ ചിത്രത്തിൽ പൃഥ്വിരാജ്, ഇന്ദ്രജിത്ത്, ജയസൂര്യ, നരേയ്ൻ എന്നിവരായിരുന്നു പ്രധാന വേഷങ്ങളിൽ എത്തിയത്. ഇവർ നാല് പേരും ഒന്നിച്ചുള്ള വീഡിയോ കോൾ ചിത്രമാണ് ഇപ്പോൾ ഈ ലോക്ഡൗൺ കാലത്ത് സോഷ്യൽ മീഡിയയുടെ ശ്രദ്ധ കവരുന്നത്.
‘കോവിഡ് കാലത്തിന് മുൻപ് സിലിമയിൽ അഫിനയിച്ചിരുന്നു എന്ന് പറയപ്പെടുന്ന നാല് ഫീകര പ്രവർത്തകർ’ എന്ന കുറിപ്പോടെയാണ് ജയസൂര്യ ചിത്രം പങ്കുവച്ചത്. പൃഥ്വിരാജും ഇന്ദ്രജിത്തും നരേനും ചിത്രം പങ്കുവെച്ചിട്ടുണ്ട്.
“Classmates”❤️❤️❤️കോവിഡ് കാലത്തിന് മുൻപ് സിലിമയിൽ അഫിനയിച്ചിരുന്നു എന്ന് പറയപ്പെടുന്നനാല് ഫീകര പ്രവർത്തകർ @indrajith_s @therealprithvi @narainraam #stayhome #staysafe
Posted by Jayasurya on Saturday, May 15, 2021
കഴിഞ്ഞ വർഷവും ലോക്ഡൗൺ സമയത്ത് വീഡിയോ കോൾ വഴി ഇവർ കണ്ടുമുട്ടിയിരുന്നു. അന്നും ചിത്രം വൈറലായിരുന്നു. കഴിഞ്ഞ വർഷം പൃഥ്വിരാജ് ഒഴികെ മറ്റെല്ലാവരും നാട്ടിലായിരുന്നു. ‘ആടുജീവിതം’ ഷൂട്ടിങ്ങിനായി പൃഥ്വി അന്ന് ജോർദാനിലെ മരുഭൂമിയിൽ കഴിയുകയായിരുന്നു. ലോക്ക്ഡൗൺ കാരണം നാട്ടിലേക്ക് മടങ്ങാൻ കഴിയാത്ത സാഹചര്യമായിരുന്നു പൃഥ്വിക്ക്.
‘കഴിഞ്ഞ വർഷം ലോക്ക്ഡൗൺ സമയത്തും ഞങ്ങൾ സമാനമായ ഒരു സ്ക്രീൻഷോട്ട് എടുത്തിരുന്നു. ഇത്തവണ വ്യത്യാസമെന്താണെന്നു ചോദിച്ചാൽ, അന്ന് മരൂഭൂമിയുടെ നടുവിൽ ആയിരുന്നെങ്കിൽ, ഇന്ന് ഭാഗ്യവശാൽ ഞാൻ വീട്ടിൽ കുടുംബത്തിനൊപ്പമാണ് എന്നതാണ്, രാജ്യം കഴിഞ്ഞ തവണത്തേക്കാൾ കഠിനമായ ഒരു കൊറോണ പോരാട്ടത്തിലൂടെ കടന്നുപോവുകയും ചെയ്യുന്നു എന്നതാണ്’ സ്ക്രീൻ ഷോട്ട് പങ്കുവെച്ച് പൃഥ്വിരാജ് കുറിച്ചു.
Last year’s lockdown, we put out a similar screenshot. Difference this time being, I’m lucky to be at home with family…
Posted by Prithviraj Sukumaran on Saturday, May 15, 2021
Comments