ന്യൂഡല്ഹി: കൊറോണ കാലത്തും ലോകകപ്പ് യോഗ്യതാ മത്സരം മാറ്റാതെ ഫിഫ. ഏഷ്യന് യോഗ്യതാ മത്സരം തുടരാന് അനുവദിച്ചതോടെ ഖത്തറുമായുള്ള ഇന്ത്യന് ടീമിന്റെ മത്സരത്തിനാണ് അരങ്ങൊരുങ്ങുന്നത്.
അടുത്തമാസം നടക്കാനിരിക്കുന്ന മത്സരത്തിന് മുന്നോടിയായി മതിയായ പരിശീലനം നേടാനാണ് ഇന്ത്യന് ടീം ഖത്തറിലേക്ക് പരിശീലകന് ഇഗോര് സ്റ്റീമാച്ചിന്റെ നേതൃത്വത്തില് നേരത്തേ പോകുന്നത്. ഈ മാസം 19-ാം തിയതിയാണ് ടീമിനോട് വിമാനം കയറാന് ആള് ഇന്ത്യ ഫുട്ബോള് ഫെഡറേഷന് നിര്ദ്ദേശിച്ചിട്ടുള്ളത്. ജൂണ് മൂന്നാം തിയതിയാണ് ആദ്യ മത്സരം നടക്കുന്നത്. ഖത്തറിലിറങ്ങിയാല് ടീമിന് ക്വാറന്റൈന് ആവശ്യമില്ലെങ്കിലും ബയോ-ബബിള് സംവിധാനത്തിലാണ് ടീം പരിശീലനം നടത്തുകയെന്നും ഫെഡറേഷന് അറിയിച്ചു.
മുന് മത്സരങ്ങളിലെ തോല്വികാരണം ലോകകപ്പ് 2022ന്റെ യോഗ്യത നേടാനാകില്ലെങ്കിലും 2023ലെ ഏഷ്യന് കപ്പ് ഫുട്ബോളില് കളിക്കാനാകുമെന്ന പ്രതീക്ഷയിലാണ്. ഖത്തറിനെ ക്കൂടാതെ ജൂണ് 7ന് ബംഗ്ലാദേശുമായും 15ന് അഫ്ഗാനിസ്താനുമായും ഇന്ത്യക്ക് ലോകകപ്പ് യോഗ്യതാ മത്സരമുണ്ട്.
