പഠനവും ജോലിയും ഒരുമിച്ചു കൊണ്ടുപോകുക എന്നത് അത്ര എളുപ്പമല്ല… എന്നാല് ജോലിയെടുക്കാതിരുന്നാൽ അമ്മയ്ക്ക കൈതാങ്ങാകാതിരിക്കാനുമാകില്ല… ചെറിയൊരു ഹോട്ടലിന്റെ അടുക്കളയില് നിന്നും പൊറോട്ടയടിക്കുന്ന അനശ്വരയെന്ന പെണ്കുട്ടിയുടെ ചിത്രമാണ് കഴിഞ്ഞ കുറച്ചു ദിവസങ്ങളായി സമൂഹ മാദ്ധ്യമങ്ങളിലാകെ നിറഞ്ഞു നിന്നിരുന്നത്.
അനശ്വര ഒരു നിയമവിദ്യാര്ത്ഥിനിയാണ്. കാഞ്ഞിരപ്പള്ളി റോഡിലെ കുറുവാമൊഴിക്കാരിയാണ് അനശ്വര. അനശ്വരയുടെ അമ്മയും അമ്മയുടെ സഹോദരിയും ചേര്ന്ന് നടത്തുന്നതാണ് ആര്യ ഹോട്ടല് . അമ്മ സുബിക്ക് ഒരു സഹായം എന്നോണമാണ് അനശ്വര പൊറോട്ടയടിക്കാന് തുടങ്ങിയത്.
ഇപ്പോള് പഠനവും പൊറാട്ടയടിയും ഉഷാറായി തന്നെ കൊണ്ടു പോകുകയാണ് അനശ്വര. വീടിനോട് ചേര്ന്നാണ് ഹോട്ടല്. തൊടുപുഴ അല് അസര് കോളജിലെ അവസാന വര്ഷ നിയമവിദ്യാര്ത്ഥിനിയാണ് അനശ്വര. സമൂഹ മാദ്ധ്യമങ്ങളിലൂടെ വൈറലായതോടെ അനശ്വരയ്ക്ക് പിന്തുണയുമായി നിരവധി പേര് രംഗത്തെത്തി.
