സിനിമ സീരിയൽ താരം മഞ്ജു പത്രോസ് കേന്ദ്രകഥാപാത്രത്തെ അവതരിപ്പിക്കുന്ന ഹ്രസ്വചിത്രം ആണ് ‘ലോക്ക് ഡൗൺ ഡേയ്സ്’. മൂന്നു ചെറുപ്പക്കാർ ചേർന്ന് ലോക്ക്ഡൗൺ ദിവസം മദ്യപിക്കാൻ പിരിവ് ഇടുകയും അത് ഗൂഗിൾ പേ വഴി അയക്കുമ്പോൾ മാറിപ്പോയി മറ്റൊരു സ്ത്രീക്ക് കിട്ടുകയും ആണ് ഈ ചിത്രത്തിന്റെ കഥ. പിന്നീട് അവർ അത് തിരികെ വാങ്ങാൻ പോവുന്നു. അവിടെ കാണുന്ന ചില കാഴ്ചകൾ അവരുടെ മനസ്സ് മാറ്റുന്നു. ഇങ്ങനെയാണ് ഈ ഷോർട്ട് ഫിലിമിന്റെ കഥ മുൻപോട്ട് പോകുന്നത്. ലോക്ക്ഡൗൺ ദിനങ്ങൾ എല്ലാവർക്കും ഒരുപോലെ അല്ല എന്നുള്ള സന്ദേശമാണ് ഈ ഹ്രസ്വചിത്രം നൽകുന്നത്.
വളരെ മികച്ച രീതിയിൽ തന്നെയാണ് ഇത് ചിത്രീകരിച്ചിരിക്കുന്നത്. എല്ലാ കൊറോണ മാനദണ്ഡങ്ങളും പാലിച്ചാണ് ഈ ഹ്രസ്വചിത്രം ചിത്രീകരിച്ചിരിക്കുന്നത്. ബ്ലാക്കിസ് എന്ന യൂട്യൂബ് ചാനൽ വഴിയാണ് ഈ ഹ്രസ്വചിത്രം റിലീസ് ആയിരിക്കുന്നത്. കെവിൻ ഡ്രീംസിന്റെ ബാനറിൽ രാജേഷ് തലച്ചിറ ആണ് ഈ ഹ്രസ്വചിത്രം നിർമ്മിച്ചിരിക്കുന്നത്. ശ്രീരാജ് എസ് ആർ ആണ് ഈ ഷോർട്ട് ഫിലിം സംവിധാനം ചെയ്തിരിക്കുന്നത്.
ഈ ഹ്രസ്വ ചിത്രത്തിൽ മഞ്ജുവിന് ഒപ്പം അൻസാർ ബാബു, രാഹുൽ , അഭിഷേക്, എബി ജോർജ്, ദുർഗ്ഗ രാജേഷ് തുടങ്ങിയവരാണ് അഭിനയിച്ചിരിക്കുന്നത്. മുനീർ ആണ് ഈ ഹ്രസ്വ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. വളരെ മികച്ച പ്രതികരണമാണ് ഈ ചിത്രത്തിന് ഇപ്പോൾ ലഭിച്ചു കൊണ്ടിരിക്കുന്നത്.
