കൊല്ലം: ശാസ്താംകോട്ട ശാസ്താംനടയിൽ ഭർതൃവീട്ടിൽ തൂങ്ങിമരിച്ച നിലയിൽ കണ്ടെത്തിയ വിസ്മയ അവസാനം ഫേസ്ബുക്കിൽ പോസ്റ്റ് ചെയ്ത വീഡിയോയ്ക്ക് താഴെ അനുശോചന പ്രവാഹം. ഭർത്താവ് കിരൺ കുമാറിനെ ടാഗ് ചെയ്ത് ജൂൺ എട്ടിനാണ് പോസ്റ്റ് ഇട്ടിരിക്കുന്നത്. ഇതിന് ദിവസങ്ങൾക്ക് മുൻപ് ഭർത്താവിനൊപ്പമുള്ള ചിത്രം പ്രൊഫൈൽ ഫോട്ടോയായും പോസ്റ്റ് ചെയ്തിരുന്നു.
മഴയത്ത് കാറിൽ നിന്ന് പകർത്തിയതെന്ന് കരുതുന്ന ഒരു വീഡിയോയാണ് പോസ്റ്റ് ചെയ്തത്. ഈ വീഡിയോയ്ക്ക് താഴെ ഭർത്താവ് കിരൺ കുമാറിനെതിരെയുള്ള രോക്ഷപ്രകടനങ്ങളും കമന്റിലുണ്ട്. കിരണിന് ഏറ്റവും വലിയ ശിക്ഷ തന്നെ കൊടുക്കണമെന്നാണ് കമന്റുകളിൽ ഉയരുന്ന പ്രധാനാവശ്യം. ഇന്നലെ രാവിലെയാണ് വിസ്മയയെ കിരണിന്റെ വീട്ടിൽ തൂങ്ങിമരിച്ച നിലയിൽ കണ്ടെത്തിയത്.
സ്ത്രീധന പീഡനത്തെ തുടർന്നുള്ള കൊലപാതകമാണെന്നാണ് ബന്ധുക്കളുടെ ആരോപണം. കഴിഞ്ഞദിവസവും ഭർത്താവ് മർദ്ദിച്ചതായി വിസ്മയ ബന്ധുക്കൾക്ക് അയച്ച വാട്സാപ്പ് സന്ദേശത്തിൽ പറഞ്ഞിരുന്നു. സ്ത്രീധനമായി നൽകിയ വാഹനം കൊള്ളില്ലെന്ന് പറഞ്ഞാണ് അസഭ്യം പറഞ്ഞതെന്നും മർദ്ദിച്ചതെന്നും സന്ദേശത്തിലുണ്ടായിരുന്നു. ഇതിന്റെ ദൃശ്യങ്ങളും അയച്ചു നൽകിയിരുന്നു. നിലവിൽ ഭർത്താവ് കിരൺ പോലീസ് കസ്റ്റഡിയിലാണ്.
Kiran Kumar S 💦💧👧➕👨💕💕💕
Posted by Vismaya V Nair on Monday, June 7, 2021
