ആരാധകരുടെ മനസ് കീഴടക്കിയ അത്ലറ്റാണ് ബോള്ട്ട്. ട്രാക്കില് മിന്നല് പിണര് വേഗത്തില് ഇടിവെട്ട് റെക്കോര്ഡ് സൃഷ്ടിച്ച വേഗ രാജാവ് എന്നാണ് ഉസൈന് ബോള്ട്ട് അറയപ്പെടുന്നത്. ഇപ്പോഴിതാ ഇരട്ടക്കുട്ടികളുടെ മാതാപിതാക്കളായതിന്റെ സന്തോഷമാണ് ജീവിതപങ്കാളി കാസി ബെന്നെറ്റിനൊപ്പം ഉസൈന് ബോള്ട്ട് അറിയിച്ചത്. ഒപ്പം രണ്ട് ഓമനകളുടെ ചിത്രവും. പങ്കുവെച്ചിട്ടുണ്ട്. വേഗരാജാവായ ബോള്ട്ട് മക്കള്ക്ക് നല്കിയിരിക്കുന്ന പേരാണ് സോഷ്യല് മീഡിയയിലൂടെ ആരാധകരെ അത്ഭുതപ്പെടുത്തിയിരിക്കുന്നത്.
തന്റെ ആണ്കുട്ടികള്ക്ക് തണ്ടര് ബോള്ട്ട്, സെയിന്റ് ലിയോ ബോള്ട്ട് എന്നിങ്ങനെയാണ് താരം പേര് നല്കിയിരിക്കുന്നത്. ഉസൈന് ബോള്ട്ടിന്റെ മിഡില് നെയിം ആണ് സെയിന്റ് ലിയോ എന്നത്. ഇരട്ടക്കുട്ടികള് എന്നാണ് ജനിച്ചതെന്ന കാര്യം ഉസൈന് ബോള്ട്ട് വ്യക്തമാക്കിയിട്ടില്ല. ഒളിമ്പ്യ ലൈറ്റനിങ് ബോള്ട്ട് എന്നാണ് മൂത്ത മകളുടെ പേര്. 2020 മെയ് മാസത്തിലാണ് ലൈറ്റനിങ് ബോള്ട്ട് ജനിച്ചത്. ആദ്യ മകള് ജനിച്ച് രണ്ട് മാസം കഴിഞ്ഞായിരുന്നു ഉസൈന് ബോള്ട്ടും ഭാര്യയും കുഞ്ഞിന്റെ ചിത്രം ആദ്യമായി പുറത്തു വിട്ടത്.
പതിനൊന്ന് തവണ ലോക ചാമ്പ്യനായ വേഗതയേറിയ താരമാണ് ഉസൈന് ബോള്ട്ട്. 2008 മുതല് 2016 വരെയുള്ള തുടര്ച്ചയായ മൂന്ന് വര്ഷങ്ങളില് ഒളിമ്പിക്സില് 100 മീറ്ററിലും 200 മീറ്ററിലും സ്വര്ണം നേടിയ താരമെന്ന റെക്കോര്ഡും 100 മീറ്റര് ലോക റെക്കോര്ഡും (9.58 സെക്കന്റ്), 200 മീറ്റര് ലോകറെക്കോര്ഡും (19.19 സെക്കന്റ്) ഇദ്ദേഹത്തിന്റെ പേരിലാണ്. 1977നു ശേഷം 100 മീറ്ററിലേയും 200 മീറ്ററിലേയും ലോകറെക്കോര്ഡുകള്ക്ക് ഉടമയായ ആദ്യ കായികതാരമാണ് ബോള്ട്ട്.
Comments