ലണ്ടൻ: വിംബിൾഡണിന്റെ 134-ാം സീസൺ ആരംഭിച്ചപ്പോൾ ഇന്ത്യൻ വംശജരടക്കം വ്യൂവേഴ്സ് സ്റ്റാന്റിൽ രണ്ടു താരങ്ങളെ ഇത്തവണ ഏറെ മിസ്സ് ചെയ്യുന്നു. പക്ഷെ തങ്ങളുടെ സ്റ്റാർ അതിഥികളെ മറക്കാൻ വിംബിൾഡൺ ഒരുക്കമല്ല. ഇന്നലെ തന്നെ ആ ലോകോത്തര താരങ്ങളുടെ വീഡിയോ പുറത്തുവിട്ടാണ് വിംബിൾഡൺ അധികൃതർ നന്ദി അറിയിച്ചത്.
https://www.facebook.com/watch/?ref=external&v=324393722430964
ടെന്നീസ് ലോകത്തെ ഏറെ ഇഷ്ടപ്പെടുന്ന ആ താരങ്ങൾ പക്ഷെ മറ്റ് കായിക രംഗത്തു നിന്നുമാണ്. ഇന്ത്യൻ ആരാധകർ നെഞ്ചിലേറ്റുന്ന അവർ പക്ഷെ ഫെഡററുടെ കടുത്ത ആരാധകരുമാണ്. മറ്റാരുമല്ല സാക്ഷാൽ സച്ചിൻ തെണ്ടുൽക്കറും വിരാട് കോഹ്ലിയുമാണ് വിംബിൾഡണിലെ സ്റ്റാർ അതിഥികൾ. ഇത്തവണ കൊറോണ നിയന്ത്രണം കാരണം സച്ചിൻ ലണ്ടനിലേക്കില്ല. നിലവിൽ ലണ്ടനിലുള്ള കോഹ് ലിക്ക് കുടുംബ സമേതം കളികാണാൻ അവസരം ലഭിക്കുമോ എന്ന് ഉറപ്പില്ല.
2015ൽ സച്ചിനും വിരാട് കോഹ് ലിയും ഒരുമിച്ച് സെന്റർ കോർട്ടിലെ കളി ആസ്വദിക്കുന്ന വീഡിയോയാണ് വിംബിൾഡൺ പങ്കുവെച്ചത്. സ്വിസ് താരം റോജർ ഫെഡററും ബ്രിട്ടന്റെ ആൻഡി മറേയും തമ്മിലുള്ള സെമി ഫൈനൽ മത്സരം കാണാനാണ് ഇരുവരും ഒരുമിച്ചെത്തിയത്. മത്സരത്തിൽ ഫെഡറർ ജയിച്ചെങ്കിലും ആ വർഷം ജോക്കോവിച്ചാണ് ഫെഡററെ തോൽപ്പിച്ച് കിരീടം നേടിയത്.
