ലക്നൗ: ഉത്തർപ്രദേശ് മുൻ മുഖ്യമന്ത്രി കല്യാൺ സിംഗ് ആശുപത്രിയിൽ. ഇന്നലെ രാത്രിയാണ് ആരോഗ്യം മോശമായതിനെ തുടർന്ന് ആശുപത്രിയിൽ പ്രവേശിപ്പിച്ചു. ലക്നൗവിലെ രാംമനോഹർ ലോഹ്യ ആശുപത്രിയിലാണ് കല്യാൺ സിംഗിനെ ചികിത്സിക്കുന്നത്. ഉത്തർപ്രദേശ് മുഖ്യമന്ത്രി യോഗി ആദിത്യനാഥ് കല്യാൺ സിംഗിനെ സന്ദർശിക്കുകയും ഡോക്ടർമാരോട് ആരോഗ്യസ്ഥിതി ചോദിച്ചറിയുകയും ചെയ്തു.
രക്തത്തിൽ യൂറിയയുടേയും ക്രിയാറ്റിന്റേയും അളവ് കുറഞ്ഞതിനെ തുടർന്ന് കഴിഞ്ഞയാഴ്ച ആശുപ്ത്രിയിൽ പ്രവേശിപ്പിച്ചുരുന്നെങ്കിലും പിന്നീട് ആരോഗ്യം വീണ്ടെടുത്തിരുന്നു. എന്നാൽ ഇന്നലെ രാത്രി ആരോഗ്യം വീണ്ടും മോശമാവുകയായിരുന്നു.
രണ്ടു തവണ ഉത്തർപ്രദേശിലെ മുഖ്യമന്ത്രി എന്ന നിലയിലും പിന്നീട് രാജസ്ഥാനിലെ ഗവർണർ എന്ന നിലയിലും ചുമതലവഹിച്ച പ്രമുഖ ബി.ജെ.പി നേതാവാണ് കല്യാൺ സിംഗ്. അത്രോളി നിയമസഭാ ണ്ഡലത്തിൽ നിന്ന് ജനസംഘത്തിന്റേയും ജനതാപാർട്ടിയുടേയും പിന്നീട് ബി.ജെപിയുടേയും ടിക്കറ്റിൽ തുടർച്ചയായി ജയിച്ചുവന്ന നേതാവാണ്.
