നോർതാംപ്ടൺ : ഇംഗ്ലണ്ടിനെതിരായ ടി20 മത്സരത്തിൽ ഇന്ത്യ പരാജയപ്പെട്ടെങ്കിലും ചർച്ചയാകുന്നത് ഹിമാചൽ പ്രദേശുകാരിയായ ഹർലീൻ കൗർ ഡിയോളിന്റെ കിടിലം ക്യാച്ചാണ്. പുരുഷ ക്രിക്കറ്റിലെ കിടിലം ക്യാച്ചുകളേക്കാൾ കിടിലോൽക്കിടിലമായിരുന്നു ഹർലീൻ കൗറിന്റെ ക്യാച്ച്. നിരവധി താരങ്ങളാണ് ഹർലീൻ കൗറിനെ അഭിനന്ദിച്ച് രംഗത്തെത്തിയത്.
ഇംഗ്ളണ്ട് ഇന്നിംഗ്സിലെ പത്തൊൻപതാം ഓവർ. 26 പന്തിൻ 43 റൺസുമായി കൂറ്റൻ അടിക്കായി തയ്യാറെടുത്ത് ആമി ജോൺസ്. ശിഖ പാണ്ഡെയുടെ ഓഫ്സ്റ്റമ്പിനു പുറത്തു വീണ വേഗം കുറഞ്ഞ പന്തിൽ ക്രീസ് വിട്ട് ചാടിയിറങ്ങി ആമി ജോൺസിന്റെ ലോഫ്റ്റഡ് ഷോട്ട്. ലോംഗോഫിൽ നിന്ന ഹർലീൻ ബൗണ്ടറിക്ക് തൊട്ടടുത്ത് നിന്ന് ചാടി കൈപ്പിടിയിലൊതുക്കി. ബാലൻസ് തെറ്റി പുറത്തേക്ക് വീണ നിമിഷം തന്നെ പന്ത് മുകളിലേക്ക് എറിഞ്ഞു. തൊട്ടടുത്ത നിമിഷത്തിൽ അതിർത്തി വരയ്ക്കുള്ളിലേക്ക് ഒരു കിടിലൻ ഡൈവ്. പന്ത് വീണ്ടും കൈപ്പിടിയിൽ. ആമി ജോൺസ് ഔട്ട്.
A fantastic piece of fielding 👏
We finish our innings on 177/7
Scorecard & Videos: https://t.co/oG3JwmemFp#ENGvIND pic.twitter.com/62hFjTsULJ
— England Cricket (@englandcricket) July 9, 2021
നിരവധി ക്രിക്കറ്റ് താരങ്ങൾ ഹർലീൻ കൗർ ഡിയോളിന്റെ ക്യാച്ചിനെ അഭിനന്ദിച്ച് രംഗത്തെത്തി. പുരുഷ ക്രിക്കറ്റർമാർക്കു പോലും അതി കഠിനമായ ക്യാച്ചാണ് അത്ഭുതപ്പെടുത്തുന്ന അഭ്യാസമികവോടെ ഹർലീൻ കൗർ എടുത്തതെന്ന് അഭിനന്ദനങ്ങൾ ഉയർന്നു. മഴ മുടക്കിയ മത്സരത്തിൽ ഡക്ക് വർത്ത് ലൂയിസ് രീതിയിൽ ഇംഗ്ളണ്ടാണ് ജയിച്ചത്.
