ഓസ്ലോ: ഭൂമിയ്‌ക്കു നേരെ വന്ന ഉൽക്ക ഭാഗം വീണത് നോർവേയ്ക്ക് സമീപം. ഉൽക്ക കടന്നുപോയത് നോർവെയിലെ ഓസ്ലോ മേഖലയിലൂടെയായിരുന്നു. പ്രാദേശിക സമയം പുലർച്ചെ ഒരുമണിക്കാണ് ഉൽക്ക നോർവേയ്ക്ക് സമീപത്തുകൂടെ കടന്നുപോയത്. അതിശക്തമായ പ്രകാശവും ശബ്ദവുമാണ് ഉണ്ടായതെന്ന് പ്രദേശവാസികൾ അറിയിച്ചു. ഉൽക്കയുടെ ഒരുഭാഗം ഓസ്ലോയിൽ നിന്ന് ഏറെ അകലെ വനപ്രദേശത്താണ് പതിച്ചത്. ആളപായമോ മറ്റ് നാശനഷ്ടങ്ങളോ റിപ്പോർട്ട് ചെയ്യപ്പെട്ടിട്ടില്ല.
അതിശക്തമായ ശബ്ദവും വെളിച്ചവും വിതറിയാണ് ഉൽക്കകടന്നുപോയതെന്ന് ബഹിരാകാശ നിരീക്ഷണം കേന്ദ്രങ്ങൾ റിപ്പോർട്ട് ചെയ്യുന്നു. വലിപ്പമുള്ള ഉൽക്കയാണ് ഭൂമിക്ക് സമീപത്തു കൂടെ കടന്നുപോയത്. ഓസ്ലോയിലെ ഹോംസ്ട്രാന്റിലാണ് ഉൽക്കയുടെ ഒരു ഭാഗം പതിച്ചത്. വന പ്രദേശത്താണ് ഉൽക്കപതിച്ചത്. ഒരു സെക്കന്റിൽ 15 മുതൽ 20 കിലോമീറ്റർ വേഗതയിലാണ് ഉൽക്ക സഞ്ചരിച്ചത്. ചൊവ്വയ്‌ക്കും വാഴത്തിനുമിടയിലൂടെ യാത്ര നടത്തിയിരുന്ന ഉൽക്ക ഭൂമിക്ക് നേരെ വരുമെന്ന പ്രതീക്ഷയിൽ തന്നെയായിരുന്നു ശാസ്ത്രലോകം. 2013ൽ റഷ്യയി ലാണ് ഇതിന് മുമ്പ് ഉൽക്ക പതിച്ചത്.
