കൊച്ചി: കാർഗിൽ യുദ്ധത്തിൽ വീരമൃത്യു വരിച്ച സൈനികർക്ക് ആദരാജ്ഞലികൾ അർപ്പിച്ച് മോഹൻലാൽ. വിജയത്തെ ഓർക്കുക മാത്രമല്ല വീരമൃത്യുവരിച്ച സൈനികർക്ക് ആദരാജ്ഞലി അർപ്പിക്കുകയും ചെയ്യാമെന്ന് മോഹൻലാൽ കുറിച്ചു. ഫേസ്ബുക്കിലൂടെയാണ് താരത്തിന്റെ പ്രതികരണം.
മോഹൻലാലിന്റെ കുറിപ്പ് ഇങ്ങനെ, ‘കാർഗിൽ വിജയ് ദിവസമായ ഇന്ന്, നമ്മുടെ രാജ്യത്തിന്റെ ശ്രദ്ധേയമായ വിജയത്തെ ഓർക്കുക മാത്രമല്ല, രാജ്യത്തിന്റെ പ്രതിരോധത്തിനായി ജീവൻ ബലിയർപ്പിച്ച നമ്മുടെ സായുധ സേനയിലെ ധീരരായ സൈനികർക്ക് ആദരാഞ്ജലികൾ അർപ്പിക്കുകയും ചെയ്യാം’.
വീരമൃത്യുവരിച്ച സൈനികരുടെ ഓർമ്മകളിലാണ് സൈന്യം ഇന്ന് കാർഗിൽ വിജയ ദിനം ആചരിക്കുന്നത്. 1999 മെയ് രണ്ടിന് പാകിസ്താൻ ഭീകരുടെ നുഴഞ്ഞുകയറ്റത്തോടെ ആരംഭിച്ച സംഘർഷം യുദ്ധത്തിലേക്ക് വഴിമാറുകയായിരുന്നു. പോരാട്ടത്തിനൊടുവിൽ ജൂലൈ 26ന് വിജയപതാക പാറിക്കാൻ 527 സൈനികരാണ് ജീവൻ ത്യജിച്ചത്.
പ്രധാനമന്ത്രി നരേന്ദ്രമോദി, രാഷ്ട്രപതി രാം നാഥ് കോവിന്ദ്, കേന്ദ്ര ആഭ്യന്തരമന്ത്രി അമിത് ഷാ തുടങ്ങി നിരവധി പേരാണ് കാർഗിൽ വിജയ ദിനത്തിൽ ധീരജവാന്മാർക്ക് ആദരാജ്ഞലികൾ അർപ്പിച്ചത്.
On this Kargil Vijay Diwas, let us not only remember our country’s remarkable victory but also pay homage to the valiant soldiers of our Armed Forces who sacrificed their lives in defence of our nation.
Posted by Mohanlal on Monday, July 26, 2021
