ന്യൂഡൽഹി: സ്ഥാപന ദിനാചരണം വിപുലമാക്കാനൊരുങ്ങി വിശ്വഹിന്ദു പരിഷത്ത്. ഈ മാസം 22 മുതൽ 29 വരെയാണ് ആഘോഷപരിപാടികളെന്ന് ദേശീയ ജോയിന്റ് ജനറൽ സെക്രട്ടറി സുരേന്ദ്ര ജെയിൻ പറഞ്ഞു.
കൊറോണ വ്യാപനത്തെ തുടർന്ന് ആഘോഷപരിപാടികൾക്ക് നിയന്ത്രണമുണ്ട്. കൊറോണ ബോധവൽക്കരണത്തിനും സേവനത്തിനുമാണ് ആഘോഷപരിപാടികളിൽ ഊന്നൽ നൽകുന്നത്. രക്ഷാബന്ധനൻ, ജന്മാഷ്ടമി ആഘോഷവും നിയന്ത്രണങ്ങളോടെ നടത്തുമെന്ന് സുരേന്ദ്ര ജെയിൻ പറഞ്ഞു.
അയോദ്ധ്യയിലെ ശ്രീരാമക്ഷേത്ര ധനശേഖരണം വിശ്വഹിന്ദു പരിഷത്ത് വിപുലമായി നടത്തിയിരുന്നു. ക്ഷേത്ര നിർമ്മാണം ആരംഭിച്ചതിന് ശേഷമുള്ള ആദ്യ സ്ഥാപനദിനമെന്ന പ്രത്യേകതയും ജെയിൻ ചൂണ്ടിക്കാട്ടി. മുഴുവൻ സംസ്ഥാനങ്ങളിലേക്കും സംഘടനാ സന്ദേശം എത്തിക്കുമെന്ന് സുരേന്ദ്ര ജെയിൻ പറഞ്ഞു.
