ന്യൂഡൽഹി: ഭാരതീയ ജനതാ പാർട്ടിയുടെ പാർലമെന്ററി പാർട്ടി യോഗം നാളെമുതൽ ആരംഭിക്കും. കേന്ദ്ര സർക്കാരിന്റെ ഭാവി പദ്ധതികളും നടപടികളും യോഗത്തിൽ ചർച്ചയാകും. നാളെ ആരംഭിക്കുന്ന യോഗം ഓഗസ്റ്റ് 13നാണ് അവസാനിക്കുക. കേന്ദ്ര മന്ത്രിസഭയെ പുനഃക്രമീകരിച്ചതിന് ശേഷം നടക്കുന്ന ആദ്യയോഗമാണിത്. പുതിയതായി അധികാരത്തിലെത്തിയ മന്ത്രിമാർ ഇതിനോടകം ചെയ്ത പ്രവർത്തനങ്ങളുടെ റിപ്പോർട്ട് യോഗത്തിൽ സമർപ്പിക്കണമെന്നും നിർദേശമുണ്ട്.
പാർലമെന്റിന്റെ വർഷകാല സമ്മേളനം തുടരുന്നതിനിടെയാണ് പാർട്ടി യോഗം ചേരാനുള്ള തീരുമാനം. ജൂലൈ 19 മുതൽ ആരംഭിച്ച സമ്മേളനം നിരന്തരമായ പ്രതിപക്ഷ ബഹളത്തോടെയാണ് അവസാനിക്കുന്നത്. പെഗാസസ്, കർഷക സമരം എന്നിവയാണ് രാജ്യസഭയിലും ലോക്സഭയിലും പ്രതിപക്ഷം മുന്നോട്ട് വെക്കുന്ന പ്രധാന വിഷയങ്ങൾ. മൺസൂൺ സമ്മേളനം ഓഗസ്റ്റ് 13നാണ് അവസാനിക്കുക.
