ന്യൂഡൽഹി: ഇന്ത്യ ചരിത്രമെഴുതി മുന്നേറുന്ന നൂറ്റാണ്ടാണിതെന്ന് ഓർമ്മിപ്പിച്ച് കേന്ദ്ര വിദേശകാര്യമന്ത്രി എസ്.ജയശങ്കർ. സ്വാതന്ത്ര്യത്തിന്റെ 75-ാം വർഷ ആഘോഷത്തിന്റെ ഭാഗമായിട്ടാണ് ജയശങ്കർ ഇന്ത്യയുടെ മുന്നേറ്റത്തെ പരാമർശിച്ചത്. സാംസ്കാരിക വകുപ്പിന്റെ കീഴിലുള്ള ഇന്ത്യൻ കൗൺസിൽ ഫോർ കൾച്ചറൽ റിലേഷൻ( ഐസിസിആർ) സംഘടിപ്പിച്ച പരിപാടിയിലാണ് കേന്ദ്ര വിദേശകാര്യമന്ത്രി ഇന്ത്യയുടെ പ്രാധാന്യം വിവരിച്ചത്.
അമൃത മഹോത്സവം ഇന്ത്യയുടെ 75-ാം സ്വതന്ത്ര്യദിനത്തിന് ഏറ്റവും യോജിച്ച ആഘോഷമാണ്. ഇത് സ്വാതന്ത്രമായ ഒരു രാജ്യത്തിന്റെ വിജയകരമായ നൂറുവർഷ ത്തിലേക്കുള്ള തുടക്കമാണ്. തീർച്ചയായും ആഹ്ലാദിക്കേണ്ട
നിമിഷങ്ങളാണ്. ഒപ്പം സ്വയം ആത്മപരിശോധന നടത്തി മുന്നേറാനുള്ള സമയവുമാണെന്നും ജയശങ്കർ പറഞ്ഞു.
സാംസ്ക്കാരിക വകുപ്പ് നടത്തിയ വിവിധ പരിപാടികളിൽ പങ്കെടുത്ത എല്ലാവരേയും ജയശങ്കർ അഭിനന്ദിച്ചു. ഇന്ത്യയുടെ സാംസ്കാരിക ഐക്യം ലോകത്തിന് ബോദ്ധ്യപ്പെടു ത്താൻ സാംസ്ക്കാരിക വകുപ്പിനായി. എല്ലാ വിദേശ രാജ്യങ്ങളുമായും സാംസ്കാരിക മൂല്യങ്ങളുടെ കൊടുക്കൽ വാങ്ങലുകൾ ഏറെ ഫലപ്രദമായി നടക്കുന്നുണ്ടെന്നും ജയശങ്കർ പറഞ്ഞു.
