കാബൂൾ; അഫ്ഗാനിസ്ഥാൻ മുൻ പ്രസിഡന്റ് ഹമീദ് കർസായി താലിബാൻ മേധാവി അനസ് ഹഖാനിയുമായി ചർച്ച നടത്തിയതായി റിപ്പോർട്ടുകൾ.
മുൻ സർക്കാരിന്റെ പ്രധാന സമാധാന നയതന്ത്ര പ്രതിനിധിയായ അബ്ദുള്ള അബ്ദുള്ളയും കർസായിക്കൊപ്പം ഉണ്ടായതായി ഉദ്യോഗസ്ഥർ വ്യക്തമാക്കി. പുതിയ സർക്കാർ രൂപീകരിക്കാനുള്ള താലിബാന്റെ ശ്രമം പുരോഗമിക്കുന്നതിനിടെയാണ് ഈ കൂടിക്കാഴ്ച.
കഴിഞ്ഞ ദിവസം അഫ്ഗാൻ വൈസ് പ്രസിഡന്റ് അമറുള്ള സലെ പ്രസിഡന്റിന്റെ അസാന്നിധ്യത്തിൽഅഫ്ഗാനിസ്ഥാന്റെ ഇടക്കാല കാവൽ പ്രസിഡന്റ് താനായിരിക്കുമെന്ന് പ്രഖ്യാപിച്ച് മുന്നോട്ട് വന്നിരുന്നു.അതിന് പിന്നാലെയാണ് അഫ്ഗാനിസ്ഥാൻ മുൻ പ്രസിഡന്റ് ഹമീദ് കർസായിയുടെ നീക്കം.
അതേ സമയം അഫ്ഗാനിസ്ഥാനിൽ നിന്നുള്ള പലായനം വർദ്ധിച്ചു. സ്വദേശികളും വിദേശികളുമടക്കം നിരവധി പേരാണ് വിമാനത്താവളങ്ങളിലും അതിർത്തികളിലുമായി തടിച്ച് കൂടിയിരിക്കുന്നത്.
Comments