ന്യൂയോർക്ക്: ആപ്പിൾ വാച്ച് ഉപയോഗിച്ച് 500,000 ഡോളർ തട്ടിപ്പ്. കഴിഞ്ഞ വർഷം കണക്റ്റിക്കട്ടിലാണ് സംഭവം നടന്നത്. ഉപയോക്താക്കൾക്ക് അവരുടെ ഗുരുതരമായ ഹൃദയ അവസ്ഥകളെക്കുറിച്ച് മുന്നറിയിപ്പ് നൽകുന്ന ഒരു ഉപകരണമാണ് ആപ്പിൾ വാച്ച്. എന്നാൽ ഒരു കവർച്ച നടത്താൻ ഉപയോഗിച്ചത് ആദ്യത്തെ സംഭവങ്ങളിലൊന്നാണ്. ന്യൂയോർക്ക് പോസ്റ്റ് റിപ്പോർട്ട് അനുസരിച്ച് കണക്റ്റിക്കട്ടിലെ ഹാർട്ട്ഫോർഡിൽ കഴിഞ്ഞ് വർഷം ജനുവരിയിലാണ് 7 അംഗ സംഘം കവർച്ച നടത്തിയത്. സംഭവം പുറത്തായത് എങ്ങനെയാണെന്നു വ്യക്തമല്ല.
മയക്കുമരുന്ന് ബിസിനസ് നടത്തുന്നയാളുടെ പണമാണ് തട്ടിപ്പുകാർ കവർന്നത്. ഇതിനായി അയാളുടെ കാറിന്റെ ബമ്പറിനടിയിൽ ഒരു ആപ്പിൾ വാച്ച് ഫിറ്റ് ചെയ്തിരുന്നു. തുടർന്ന് ലൊക്കേഷൻ പിന്തുടർന്ന് അയാളുടെ ഹോട്ടൽ മുറി കണ്ടെത്തുകയും, അവിടെ നിന്നും പണം കവരുകയും ചെയ്യുകയായിരുന്നു.
ആപ്പിൾ വാച്ചിലെ ട്രാക്കർ ഉപയോഗിച്ച് ഇയാളുടെ കാർ പിന്തുടർന്ന ശേഷം മോഷ്ടാക്കളിൽ ഒരാൾ തോക്ക് ഉപയോഗിച്ച് കാറിന്റെ ചില്ല് തകർത്തെങ്കിലും ഒന്നും കണ്ടെത്താനായില്ല. തുടർന്നാണ് ഹോട്ടൽ മുറിയിലേക്കു തട്ടിപ്പുകാർ എത്തിയത്. 2020 ജനുവരിയിൽ ആപ്പിൾ വാച്ച് മാത്രമാണ് ആളുകളെ ട്രാക്കുചെയ്യാൻ ഉപയോഗിക്കാവുന്ന ഏക ഉപാധിയായി ഉണ്ടായിരുന്നത്. അതിനാലാണ് തട്ടിപ്പുകാർ ഈ രീതി പരീക്ഷിച്ചതെന്നാണ് റിപ്പോർട്ടിൽ പറയുന്നത്.
