ഫിറ്റ് ഇന്ത്യ: കാഴ്‌ച്ചക്കാരെ അമ്പരപ്പിച്ച് കേന്ദ്രമന്ത്രിയുടെ സ്കിപ്പിംഗ്; വീഡിയോ വൈറൽ

ന്യൂഡൽഹി: കേന്ദ്ര കായികമന്ത്രി അനുരാഗ് താക്കൂർ സ്‌കിപ്പിംഗ് ചെയ്യുന്ന വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധനേടുന്നത്. ഫിറ്റ് ഇന്ത്യയുടെ രണ്ടാം വാർഷികത്തോട് അനുബന്ധിച്ച് നടന്ന ചടങ്ങിനിടെയാണ് കേന്ദ്രമന്ത്രിയുടെ പ്രകടനം. ദീർഘ നേരം സ്‌കിപ്പിംഗ് ചെയ്യുന്ന കേന്ദ്രമന്ത്രിയെ വീഡിയോയിൽ കാണാൻ സാധിക്കും. വീഡിയോ സമൂഹമാദ്ധ്യമങ്ങളിൽ ശ്രദ്ധനേടിയതിന് പിന്നാലെ മന്ത്രിയുടെ ഫിറ്റ്‌നസിനെ പ്രശംസിച്ച് നിരവധി പേരാണ് എത്തിയത്.

അനുരാഗ് താക്കൂർ തന്റെ ട്വിറ്റർ അക്കൗണ്ടിലൂടെയും വീഡിയോ പങ്കുവെച്ചിട്ടുണ്ട്. നിങ്ങളുടെ ഫിറ്റ്‌നസ് ലെവൽ എത്രയാണെന്ന് ചോദിച്ചുകൊണ്ടാണ് വീഡിയോ പങ്കുവെച്ചിരിക്കുന്നത്. ചടങ്ങിൽ ഫിറ്റ് ഇന്ത്യയുടെ മൊബൈൽ ആപ്പും അദ്ദേഹം പുറത്തിറക്കിയിട്ടുണ്ട്. ആപ്പിലൂടെ ഫിറ്റ്‌നസ് നിരീക്ഷിക്കാൻ സാധിക്കും. രാജ്യത്ത് 70 ശതമാനം ആളുകളും ഫിറ്റ്‌നസിന്റെ കാര്യത്തിൽ ശ്രദ്ധപുലർത്താറില്ലെന്നും മന്ത്രി പറഞ്ഞു.

ആപ്പ് ആൻഡ്രോയിഡ്, ഐഒഎസ് മൊബൈലുകളിൽ സൗജന്യമായി ലഭ്യമാകും. ഫിറ്റ് ഇന്ത്യ ആപ്പ് ജനങ്ങളെ ആരോഗ്യ കാര്യങ്ങളിൽ കൂടി ശ്രദ്ധ കേന്ദ്രീകരിക്കാൻ സഹായിക്കും. ആരോഗ്യകരമായ ജീവിത ശൈലിക്ക് ദിവസവും അരമണിക്കൂർ ഫിറ്റ്‌നസിനായി മാറ്റിവെയ്‌ക്കുന്നത് അനിവാര്യമാണ്. ഇത് ജീവിത കാലം മുഴുവൻ ആരോഗ്യവാനായിരിക്കാൻ സാധിക്കുമെന്നും അനുരാഗ് താക്കൂർ വ്യക്തമാക്കി.

What’s your FITNESS level ❓❓❓

Come on. Game on!

— #NationalSportsDay #FitIndiaApp

Google Play Store:https://t.co/blpuV0yeGR

Apple Store link:https://t.co/zytUEN6RCl

| @PIB_India @MIB_India @DDNewslive @IndiaSports @FitIndiaOff @Media_SAI | pic.twitter.com/wSFtFGrIbu

— Anurag Thakur (@ianuragthakur) August 29, 2021