ന്യൂഡൽഹി : ടോക്കിയോ പാരാലിമ്പിക്സിൽ മെഡൽ നേടിയ കായിക താരങ്ങൾക്ക് അഭിനന്ദനങ്ങൾ നേർന്ന് പ്രധാനമന്ത്രി നരേന്ദ്ര മോദി. യോഗേഷ് ഖതൂനിയ, അവനി ലെഖര, ദേവ് ജഹാരിയ, സുന്ദർ എസ് ഗുജാർ എന്നിവർക്കാണ് അഭിനന്ദനങ്ങൾ നേർന്നത്. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
ടോക്കിയോ പാരാലിമ്പിക്സിൽ അസാമാന്യമായ പ്രകടനമാണ് അവനി ലെഖര കാഴ്ചവെച്ചതെന്ന് പ്രധാനമന്ത്രി പറഞ്ഞു. സ്വർണ മെഡൽ നേട്ടത്തിന് അഭിനന്ദനങ്ങൾ. ഷൂട്ടിംഗിനോടുള്ള ഇഷ്ടവും കഠിനാധ്വാനവുമാണ് അവനിയ്ക്ക് സ്വർണ മെഡൽ നേടികൊടുത്തത്. ഇത് ഇന്ത്യൻ കായിക രംഗത്തെ സംബന്ധിച്ച് അപൂർവ്വ നിമിഷമാണ്. ശോഭനമായ ഭാവിയ്ക്കായി ആശംസിക്കുന്നുവെന്നും പ്രധാനമന്ത്രി പറഞ്ഞു.
പാരാലിമ്പിക്സിൽ മികച്ച പ്രകടനം കാഴ്ചവെയ്ക്കാൻ യോഗേഷ് ഖതൂനിയയ്ക്ക് കഴിഞ്ഞെന്ന് പ്രധാനമന്ത്രി ട്വീറ്റ് ചെയ്തു. രാജ്യത്തിന് വെള്ളി മെഡൽ നേടി തന്നതിൽ അതിയായ സന്തോഷമുണ്ട്. താങ്ങളുടെ വിജയം വളർന്നു വരുന്ന കായിക താരങ്ങൾക്ക് പ്രചോദനമാകട്ടെ. അഭിനന്ദനങ്ങൾ. ശോഭനമായ ഭാവിയ്ക്കായി ആശംസിക്കുന്നുവെന്നും നരേന്ദ്ര മോദി ട്വിറ്ററിൽ കുറിച്ചു.
വെള്ളി മെഡൽ നേടിയ ദേവ് ജഹാരിയ തുടർച്ചയായി രാജ്യത്തെ അഭിമാനപൂരിതമാക്കുമെന്ന് നരേന്ദ്ര മോദി പറഞ്ഞു. പാരാലിമ്പിക്സിൽ ജഹാരിയ മികച്ച പ്രകടനം കാഴ്ചവെച്ചു. വെള്ളിമെഡൽ നേട്ടത്തിൽ അഭിനന്ദനങ്ങൾ. ശോഭനമായ ഭാവിയ്ക്കായി ആശംസകൾ നേരുന്നുവെന്നും പ്രധാനമന്ത്രി കൂട്ടിച്ചേർത്തു.
വെങ്കല മെഡൽ നേട്ടത്തിലൂടെ പകരംവെയ്ക്കാനാകാത്ത നിശ്ചയദാർഢ്യവും ആത്മധൈര്യവുമാണ് സുന്ദർ എസ് ഗുജാർ പ്രകടമാക്കിയത്. അഭിനന്ദനങ്ങൾ. വെങ്കല മെഡൽ നേട്ടത്തിൽ അഭിനന്ദനങ്ങൾ. – പ്രധാനമന്ത്രി ട്വിറ്ററിൽ കുറിച്ചു.
Comments