ടോക്കിയോ: പാരാലിമ്പിക്സിൽ റെക്കോർഡുകൾ സൃഷ്ടിച്ച് വീണ്ടും ചരിത്രം കുറിക്കുകയാണ് വനിതാ കായികതാരം അവനി ലേഖര. ഒരേ ഗെയിംസിൽ രണ്ടുമെഡലുകൾ സ്വന്തമാക്കുന്ന ആദ്യ ഇന്ത്യൻ താരമെന്ന നേട്ടമാണ് അവനി ഇപ്പോൾ സ്വന്തമാക്കിയിരിക്കുന്നത്. വനിതകളുടെ 50 മീറ്റർ റൈഫിൾ 3 പൊസിഷൻസിലാണ് അവനിയുടെ വെങ്കല നേട്ടം. നേരത്തെ 10 മീറ്റർ എയർ റൈഫിൾ സ്റ്റാൻഡിങ്ങിൽ സ്വർണം നേടി അവനി ചരിത്രം സൃഷ്ടിച്ചിരുന്നു. പാരാലിമ്പിക്സിൽ സ്വർണം നേടുന്ന ആദ്യ ഇന്ത്യൻ വനിതയായിരുന്നു അവനി.
പ്രധാനമന്ത്രി നരേന്ദ്രമോദിയും കേന്ദ്രമന്ത്രി അനുരാഗ് ഠാക്കൂറും അവനിയുടെ അതുല്യ നേട്ടത്തെ പ്രശംസിച്ചു. ടോക്കിയോ പാരാലിമ്പിക്സിന് കൂടുതൽ ശോഭയേകിയ അവനിയുടെ പ്രകടനത്തിന് പ്രധാനമന്ത്രി അഭിനന്ദനങ്ങൾ അറിയിച്ചു.
More glory at the Tokyo #Paralympics. Elated by the stupendous performance of @AvaniLekhara. Congratulations to her on bringing home the Bronze medal. Wishing her the very best for her future endeavours. #Praise4Para
— Narendra Modi (@narendramodi) September 3, 2021
ഇന്ത്യയുടെ ‘ഗോൾഡൻ ഗേൾ’ എന്നാണ് കേന്ദ്രമന്ത്രി അനുരാഗ് ഠാക്കൂർ അവനിയെ വിശേഷിപ്പിച്ചത്.
India’s 🇮🇳 Golden Girl – Amazing Avani !!!@AvaniLekhara has been absolutely awesome at #Tokyo2020 #Paralympics by winning her 2nd medal !
History has been made !
🥉in Women’s 50m Rifle 3P SH1 final#Cheer4India #Praise4Para pic.twitter.com/ljIwXls9UM
— Anurag Thakur (@ianuragthakur) September 3, 2021
ഭാരതത്തിന്റെ അഭിമാന നിമിഷമാണിതെന്ന് കേന്ദ്രമന്ത്രി കിരൺ റിജ്ജുവും പ്രതികരിച്ചു. അവനിയുടെ രണ്ടാം മെഡൽ നേട്ടത്തിലൂടെ ഇന്ത്യയ്ക്ക് ലഭിച്ച ആകെ മെഡലുകൾ 12 ആയി.
