ടോക്കിയോ: ടോക്കിയോ പാരാലിമ്പിക്സ് സമാപനവേദിയിലെ കാണികളുടെ എല്ലാം കണ്ണുകൾ ഉടക്കിയത് ഇന്ത്യയുടെ അഭിമാന താരത്തിലാണ്.രാജ്യത്തിനായി ഇരട്ടമെഡൽ നേടിയ അവനി ലേഖറ സമാപന ചടങ്ങിലെ മിന്നും താരമായി.
പത്തൊമ്പതാം വയസിൽ തന്റെ ആദ്യ പാരാലിമ്പിക്സിൽ തന്നെ സ്വർണവും വെങ്കലവും കഴുത്തിലണിഞ്ഞ താരമാണ് അവനി.ഇന്ത്യയ്ക്ക് വേണ്ടി ആദ്യമായി സ്വർണം നേടുന്ന വനിതതാരം എന്ന റെക്കോഡാണ് ഇതിലൂടെ അവനി നേടിയത്. ഷൂട്ടിങ്ങിൽ 10 മീറ്റർ എയർ റൈഫിൾ എസ്.എച്ച് 1 വിഭാഗത്തിൽ സ്വർണവും 50 മീറ്റർ റൈഫിൾ ത്രി പൊസിഷൻ എസ്.എച്ച് 1 വിഭാഗത്തിൽ വെങ്കലവുമാണ് അവനി സ്വന്തമാക്കിയത്.പാരാലിമ്പികസിൽ എത്തുന്നതിന് മുൻപേ തന്നെ അലൈൻ ഷൂട്ടിങ്ങ് ലോകകപ്പുൾപ്പടെ നിരവധി അന്താരാഷ്ട്ര മത്സരങ്ങളിൽ രാജ്യത്തിന് വേണ്ടി മെഡൽ അണിഞ്ഞിട്ടുണ്ട് താരം.
ഇത്തവണത്തെ പാരാലിമ്പിക്സിൽ ചരിത്രത്തിലെ ഏറ്റവും വലിയ മെഡലൽ നേട്ടമാണ് ടോക്കിയോയിൽ നടന്നത്. നാലു വെള്ളിയും ആറ് വെങ്കലവുമടക്കം 17 മെഡലുകളാണ് ഇന്ത്യ നേടിയത്.മെഡൽ പട്ടികയിൽ 26ാം സ്ഥാനത്താണ് ഇന്ത്യ.
Comments