ചെന്നൈ: സ്‌റ്റൈൽ മന്നൻ രജനികാന്തിന്റെ പുതിയ ചിത്രം ‘അണ്ണാതെ’യുടെ ആദ്യ പോസ്റ്റർ പുറത്തിറക്കി. രജനികാന്ത് ക്രീം കളർ മുണ്ടും ഷർട്ടും ധരിച്ച് നിൽക്കുന്ന പോസ്റ്ററാണ് അണിയറ പ്രവർത്തകർ പുറത്തിറക്കിയിരിക്കുന്നത്.
സൺ പിക്‌ചേഴ്‌സിന്റെ ബാനറിൽ നിർമ്മിക്കുന്ന ചിത്രത്തിൽ നയൻതാര, കീർത്തി സുരേഷ്, ഖുശ്ബു, പ്രകാശ് രാജ് എന്നിവരാണ് മറ്റ് അഭിനേതാക്കൾ. സമൂഹ മാദ്ധ്യമങ്ങൾ വഴി പുറത്ത് വിട്ട പോസ്റ്ററിന് വലിയ സ്വീകാര്യതയാണ് ലഭിച്ചിരിക്കുന്നത്.
പോസ്റ്റർ പുറത്തുവിട്ട് ആദ്യ മണിക്കൂറിൽ തന്നെ നിരവധി ആരാധകർ അഭിനന്ദനവുമായി രംഗത്തെത്തി. തലൈവാ ഫസ്റ്റ്‌ലുക്ക് സൂപ്പർ എന്നാണ് ഒരു ആരാധകൻ ട്വീറ്റ് ചെയ്തത്. നിങ്ങൾ കാണാൻ സുന്ദരനായിട്ടുണ്ട്. സിനിമ ഇറങ്ങുന്നത് വരെ കാത്തിരിക്കാൻ കഴിയില്ല. മറ്റൊരു ആരാധകന്റെ ട്വീറ്റ് ഇതായിരുന്നു. നവംബർ നാലിനാണ് ‘അണ്ണാതെ’ റിലീസ് ചെയ്യുന്നത്. കൊറോണ കാരണമാണ് റിലീസ് വൈകിയത്. കലാനിധിമാരനാണ് സംവിധായകൻ.
