കുട്ടികളിലെ ന്യുമോണിയ മരണങ്ങള് തടയാന് പുതിയ വാക്സിന് നല്കാന് സര്ക്കാര് നിര്ദ്ദേശം. ന്യുമോകോക്കല് കോണ്ജുഗേറ്റ് വാക്സിന് വിതരണം ചെയ്യാനാണ് ആരോഗ്യവകുപ്പ് ഉത്തരവിറക്കിയത്. കൊറോണ മൂന്നാം തരംഗത്തെ നേരിടുന്നതിന്റെ കൂടി ഭാഗമായിട്ടാണ് നിര്ദേശം.
കുട്ടികളിലെ ഗുരുതര ന്യുമോണിയയ്ക്ക് കാരണമാകുന്ന ന്യൂമോകോക്കല് ബാക്ടീരിയയ്ക്കെതിരായ പ്രതിരോധ കുത്തിവയ്പ്പാണിത്. ഇത് അഞ്ച് സംസ്ഥാനങ്ങളിലെ കുട്ടികള്ക്ക് 2017 മുതല് കേന്ദ്രം നല്കിയിരുന്നു. ഇപ്പോള് എല്ലാ സംസ്ഥാനങ്ങളിലും ഉപയോഗിക്കാന് അനുമതി നല്കിയതിനെ തുടര്ന്നാണ് സംസ്ഥാന സര്ക്കാര് ഉത്തരവിറക്കിയത്.
യൂണിവേഴ്സല് ഇമ്യൂണൈസേഷന് പ്രോഗ്രാമിന്റെ ഭാഗമായി സൗജന്യമായി കുട്ടികള്ക്ക് വാക്സിന് വിതരണം ചെയ്യും. വാക്സിനേഷന് വിശദമായ മാര്ഗരേഖ ആരോഗ്യവകുപ്പ് പുറത്തിറക്കും. ആരോഗ്യപ്രവര്ത്തകര്ക്ക് പരിശീലനം ഉടന് നല്കുകയും ചെയ്യുമെന്ന് ആരോഗ്യവകുപ്പ് അറിയിച്ചു.
Comments