ജയസൂര്യയെ പ്രധാന കഥാപാത്രമാക്കി രഞ്ജിത്ത് ശങ്കര് തിരക്കഥയെഴുതി സംവിധാനം ചെയ്യുന്ന ‘സണ്ണി’ എന്ന ചിത്രത്തിന്റെ ട്രെയിലർ പുറത്തിറങ്ങി. ജയസൂര്യയുടെ നൂറാമത്തെ ചിത്രമായ ‘സണ്ണി’ സെപ്റ്റംബർ 23ന് ആമസോൺ പ്രൈം വീഡിയോയിൽ റിലീസ് ചെയ്യും. ജയസൂര്യമാണ് സണ്ണിയിലെ ഏക അഭിനേതാവ്. കൊറോണ വ്യാപനത്തിനിടെ ദുബായില് നിന്ന് കേരളത്തിലേക്ക് തിരിച്ചെത്തി ഹോട്ടലിൽ ക്വാറന്റൈനിൽ കഴിയുന്ന സണ്ണിയുടെ വികാരങ്ങളും ഇക്കാലത്ത് നടക്കുന്ന സംഭവവികാസങ്ങളുമാണ് ചിത്രത്തിന്റെ കഥ.
ഡ്രീംസ് ആന്റ് ബിയോണ്ടിന്റെ ബാനറില് രഞ്ജിത്ത് ശങ്കര്, ജയസൂര്യ എന്നിവര് ചേര്ന്ന് നിര്മ്മിക്കുന്ന സണ്ണി എന്ന ചിത്രത്തിന്റെ ഛായാഗ്രഹണം മധു നീലക്കണ്ഠന് നിര്വ്വഹിക്കുന്നു. സാന്ദ്ര മാധവ്ന്റെ വരികള്ക്ക് ശങ്കര് ശര്മ്മ സംഗീതം പകരുന്നു. എഡിറ്റര്-സമീര് മുഹമ്മദ്. ‘ഇപ്പോൾ മാത്രം നടക്കുന്ന കഥാ പശ്ചാത്തലമുണ്ട് ഈ ചിത്രത്തിന്. മറ്റൊരു സാഹചര്യത്തിൽ പറയാൻ
ധൈര്യമില്ലാത്ത സബ്ജക്റ്റ് ഉള്ള കുറേയേറെ പ്രത്യേകതയുള്ള ചിത്രമാണ് ‘സണ്ണി’ എന്ന് സംവിധായകൻ രഞ്ജിത് ശങ്കർ പറയുന്നു.
പ്രൊഡക്ഷന് കണ്ട്രോളര്-സജീവ് ചന്തിരൂര്, കല-സുരാജ് കുരുവിലങ്ങാട്, മേക്കപ്പ്-ആര് വി കിരണ്രാജ്, കോസ്റ്റ്യൂം ഡിസെെനര്-സരിത ജയസൂര്യ, സ്റ്റില്സ്-നിവിന് മുരളി, പരസ്യകല-ആന്റണി സ്റ്റീഫന്, സൗണ്ട്-സിനോയ് ജോസഫ്, അസോസിയേറ്റ് ഡയറക്ടര്-അനൂപ് മോഹന്, അസോസിയേറ്റ് ക്യാമറമാന്-ബിനു, ഫിനാന്സ് കണ്ട്രോളര്-വിജീഷ് രവി, പ്രൊഡക്ഷന് മാനേജര്-ലിബിന് വര്ഗീസ്, വാര്ത്ത പ്രചരണം- എഎസ് ദിനേശ്.
Comments