മുംബൈ: ടൂർണമെന്റിലേയ്‌ക്ക് രണ്ട് പുതിയ ടീമുകളെ കൂടി പ്രഖ്യാപിക്കാനൊരുങ്ങി ഐപിഎൽ ഭരണ സമിതി. ഇന്ത്യ-പാകിസ്താൻ ടി-20 ലോകകപ്പിന് പിന്നാലെ ഇത് സംബന്ധിച്ച പ്രഖ്യാപനം നടക്കും.
രണ്ട് ടീമുകളുടെ പ്രഖ്യാപനത്തിനു ശേഷം 2023-2027 വരെയുള്ള കാലയളവിലെ ഐപിഎൽ മീഡിയ റൈറ്റ്‌സ് ടെൻഡർ പുറത്തിറക്കും. ഒക്ടോബർ 25നാണ് ടീമുകളുടെ പ്രഖ്യാപനം നിശ്ചയിച്ചിരിക്കുന്നതെന്ന് ബിസിസിഐ ഔദ്യോഗികമായി അറിയിച്ചു.
രണ്ടിൽ ഒരു ടീമിന്റെ അവകാശം ഏറ്റെടുക്കുന്നതിന് ബിസിസിഐ ഇൻവിറ്റേഷൻ ടു ടെൻഡർ(ഐടിടി) പുറത്തിറക്കിയിരുന്നു. ഇതു സംബന്ധിച്ച രേഖകൾ നൽകാൻ ഒക്ടോബർ പത്ത് വരെ തീയതി നീട്ടിയിരുന്നു.
ഇതിനായി തിരികെ ലഭ്യമല്ലാത്ത 10 ലക്ഷം രൂപയാണ് ടെൻഡർ ഫീസായി ഐപിഎൽ ഭരണ സമിതി ഈടാക്കിയിരുന്നത്.
