ഡബ്ലിൻ: വീട് മാറുമ്പോൾ ഭാരമുള്ള ഫർണീച്ചറുകൾ മാറ്റുക എന്നത് വളരെ ശ്രമകരമായ ജോലിയാണ്. ഒരു കൈസഹായമില്ലാതെ ഈ ദൗത്യം പൂർത്തിയാക്കാൻ കഴിയില്ല. അത്തരത്തിൽ ശ്രമകരമായ ജോലിയിൽ ഏർപ്പെട്ടിരിക്കുന്ന മുന്ന് യുവാക്കളുടെ ദൃശ്യങ്ങൾ സമൂഹ മാദ്ധ്യമങ്ങളിൽ വൈറലായിരിക്കുകയാണ്. അയർലാൻഡിലെ ഡബ്ലിനിലാണ് സംഭവം.
വീടിന്റെ മുകളിലത്തെ നിലയിൽ നിന്നും ഫർണീച്ചറുകൾ ജനൽ മാർഗം താഴെയിറക്കുന്നതാണ് ദൃശ്യങ്ങൾ. ജനലിലൂടെ ഒരാൾ സോഫ പുറത്തിറക്കാൻ ശ്രമിക്കുന്നത് കണ്ട് സഹായിക്കാൻ എത്തിയതാണ് മറ്റ് രണ്ട് പേർ. ചൂലുകൾ ഉപയോഗിച്ചാണ് ഇവർ സോഫ താഴെ ഇറക്കാൻ ശ്രമിക്കുന്നത്.
ഒരാൾ തനിച്ച് സോഫ ഇറക്കാൻ ശ്രമിക്കുകയും തുടർന്ന് രണ്ട് പേർ സഹായ ഹസ്തവുമായി എത്തുകയും ചെയ്യുന്നതാണ് വീഡിയോ. എന്നാൽ ഈ ഉദ്യമത്തിൽ അവർ വിജയം കൈവരിച്ചോ എന്ന് ദൃശ്യങ്ങളിൽ കാണിക്കുന്നില്ല.
വീഡിയോ ഇതിനോടകം തന്നെ വൻ ജനശ്രദ്ധ നേടി. ഇതിന്റെ വിജയം കാണാൻ ആഗ്രഹിക്കുന്നു എന്നും, ഇവരുടെ ബുദ്ധിയെ പ്രശംസിച്ചും നിരവധി ആളുകൾ കമന്റ് ചെയ്തിരുന്നു.
https://www.youtube.com/watch?v=ZgcT1bD680Q&t=68s
