തിരുവനന്തപുരം ; സംസ്ഥാനത്തെ സ്കൂളുകളിലെ ശുചീകരണം ഒക്ടോബർ 20 ന് ആരംഭിക്കുമെന്നു വിദ്യാഭ്യാസമന്ത്രി വി.ശിവൻകുട്ടി. പത്തു ദിവസം കൊണ്ട് ശുചീകരണം പൂർത്തിയാക്കാനാണ് തീരുമാനം . സ്കൂൾ തുറക്കുന്നത് സംബന്ധിച്ച വിശദമായ മാർഗരേഖ ഒക്ടോബർ അഞ്ചിന് പുറത്തിറക്കും. മറ്റ് അദ്ധ്യാപക സംഘടനകളുമായും മന്ത്രി ചർച്ച നടത്തും. തദ്ദേശ സ്ഥാപനങ്ങളും വിദ്യാഭ്യാസ വകുപ്പുമാണ് പ്രവർത്തനങ്ങൾ ഏകോപിപ്പിക്കുക.
കൊറോണ മഹാമാരിയെ തുടര്ന്ന് രണ്ടര വര്ഷത്തോളമായി അടഞ്ഞുകിടക്കുകയാണ് സ്കൂളുകൾ . ക്ലാസ് മുറികള്, ശൗചാലയങ്ങള്, കിണറുകള് എന്നിവ ശുചീകരിക്കുന്നതിനൊപ്പം ഇഴജന്തുക്കളുടെ സാന്നിധ്യം ഇല്ലാതാക്കാന് സ്കൂള് കെട്ടിട ചുമരുകളിലും അടിത്തറകളിലും എവിടെയെങ്കിലും ദ്വാരങ്ങളുണ്ടെങ്കില് അവ അടയ്ക്കുകയും ചെയ്യും.
ശുചീകരണത്തിനായി ജനകീയ സമിതികൾ രൂപീകരിക്കുമെന്നും മന്ത്രി പറഞ്ഞു. സ്കൂളുകൾ ശുചീകരിക്കുന്നതിനായി രാഷ്ട്രീയ, സന്നദ്ധ സംഘനകളുടെയും വിവിധ അസോസിയേഷനുകളുടെയും സഹായം തേടും . ഇതിനായി സ്കൂളുകളിൽ യോഗങ്ങൾ വിളിച്ചു ചേർക്കും. പ്രീ പ്രൈമറി തലത്തില് കുട്ടികള്ക്കാവശ്യമായ സൗകര്യങ്ങള് ഒരുക്കുന്നതിനൊപ്പം സുരക്ഷ ഉറപ്പാക്കാനുമാണ് നിര്ദേശം. സ്കൂള് കെട്ടിടങ്ങള് അടഞ്ഞുകിടക്കുന്നതിനാല് ഇവിടങ്ങളില് ഇഴജന്തുക്കള് ഉള്പ്പെടെയുള്ളവ എത്തിപ്പെടാനുള്ള സാധ്യത കണക്കിലെടുത്ത് പ്രത്യേക ശ്രദ്ധ വേണമെന്ന് സ്കൂള് പ്രധാനധ്യാപകര്ക്കും പി.ടി.എ ഭാരവാഹികള്ക്കും മുന്നറിയിപ്പ് നല്കിയിട്ടുണ്ട്.
Comments