നാളെ മുതല് കോഴിക്കോട് ബീച്ചില് സന്ദര്ശകര്ക്ക് പ്രവേശനം അനുവദിക്കും. രാത്രി എട്ട് മണി വരെയാണ് പ്രവേശനം. കൊറോണ മാനദണ്ഡങ്ങള് കര്ശനമായി പാലിച്ചുകൊണ്ടായിരിക്കും പ്രവേശനം അനുവദിക്കുക. തിരക്ക് അധികമുള്ള സമയങ്ങളില് പോലീസ് ബാരിക്കേഡുകള് അല്ലെങ്കില് കയര് സ്ഥാപിച്ച് പ്രവേശനം നിയന്ത്രിക്കും.
മാസ്ക്, സാമൂഹിക അകലം എന്നിവ നിര്ബന്ധമായും പാലിക്കണം. ബീച്ചില് മാലിന്യങ്ങള് വലിച്ചെറിയാന് പാടില്ല. കോര്പ്പറേഷന്, ഫുഡ് സേഫ്റ്റി ആന്ഡ് സ്റ്റാന്ഡേര്ഡ്സ് അതോറിറ്റി ഓഫ് ഇന്ത്യ എന്നിവരുടെ നേതൃത്വത്തില് തെരുവ് കച്ചവടക്കാര്ക്ക് ലൈസന്സ് നിര്ബന്ധമാക്കും
കൊറോണവ്യാപനത്തിന്റെ പശ്ചാത്തലത്തില് കോഴിക്കോട്ടെ പ്രധാന വിനോദസഞ്ചാര കേന്ദ്രങ്ങളിലൊന്നായ ബീച്ച് മാസങ്ങളായി അടച്ചിട്ടിരിക്കുകയായിരുന്നു. തിരക്ക് നിയന്ത്രിക്കാനായി പോലീസിനെ വിന്യസിക്കുമെന്നും ജില്ലാ ഭരണകൂടം അറിയിച്ചിട്ടുണ്ട്.
