ഷാർജ: പ്ലേ ഓഫ് പ്രവേശനത്തിനു നിർണായകമായ മത്സരത്തിൽ രാജസ്ഥാൻ റോയൽസിനെ തോൽപ്പിച്ച് മുംബൈ ഇന്ത്യൻസ്. 8.2 ഓവറിൽ 70 പന്തുകൾ അവശേഷിക്കേ എട്ട് വിക്കറ്റിനാണ് മുംബൈ വിജയം കൊയ്തത്. ആദ്യം ബാറ്റു ചെയ്ത രാജസ്ഥാൻ 20 ഓവറിൽ 9 വിക്കറ്റ് നഷ്ടത്തിൽ 90 റൺസാണ് നേടിയത്.
25 പന്തിൽ നിന്ന് അർദ്ധ സെഞ്ച്വറി നേടിയ മുംബൈയുടെ ഇഷാൻ കിഷനാണ് ടോപ്സ്കോറർ. ക്യാപ്റ്റൻ രോഹിത് ശർമ്മ 22 റൺസും സൂര്യകുമാർ യാദവ് 13 റൺസും എടുത്ത് പുറത്തായി. മുംബൈയ്ക്കായി നേഥൻ കൂൾട്ടർനൈൽ നാല് വിക്കറ്റുകൾ വീഴ്ത്തി കളിയിലെ താരമായി. ജസ്പ്രീത് ബൂമ്ര രണ്ടും ജെയിംസ് നീഷം മൂന്നും വിക്കറ്റുകൾ വീഴ്ത്തി.
ടോസ് നേടിയ മുംബൈ രാജസ്ഥാനെ ബാറ്റിംഗിന് അയക്കുകയായിരുന്നു. എന്നാൽ നിർഭാഗ്യവശാൽ ബാറ്റിംഗ് നിരയിൽ രാജസ്ഥാന്റെ നാല് പേർ മാത്രമാണ് രണ്ടക്കം കടന്നത്. ഓപ്പണർ യശ്വസി ജയ്സ്വാൾ 12, എവിൻ ലൂയിസ് 24, ഡേവിഡ് മില്ലർ 15, രാഹുൽ തെവാത്തിയ 12 എന്നിവരാണ് രണ്ടക്കം കടന്ന താരങ്ങൾ. സഞ്ജുവിന് മൂന്ന് റൺസ് നേടാനേ കഴിഞ്ഞുള്ളൂ
Comments