കാൻബറ: കൊച്ചുകുട്ടികൾക്ക് കൺമുൻപിൽ കാണുന്നതെല്ലാം കളിപാട്ടമാണ്. കല്ലും പുല്ലും ഇഴഞ്ഞുപോകുന്ന പുഴുപോലും കുട്ടികൾ കളിപ്പാട്ടങ്ങളാക്കി മാറ്റുന്നു.ചുറ്റുമുള്ള എല്ലാത്തിനെയും കൗതുകത്തോടെ നോക്കി കണ്ട് ആർത്തുല്ലസിച്ച വളരുന്ന ബാല്യം.കുട്ടികളുടെ ഓരോ നീക്കങ്ങളും രസകരമാണ്. അതുകൊണ്ടു തന്നെ കൗതുകത്തോടെ കുട്ടികൾ കാണിച്ചു കൂട്ടുന്ന വികൃതികൾ എല്ലാവരും ആസ്വദിക്കാറാണ് പതിവ്. എന്നാൽ ചിലപ്പോഴൊക്കെ കുട്ടികൾ അപകടം പിടിച്ച കാര്യങ്ങൾ ചെയ്ത് കൂട്ടാറുണ്ട്. അത്തരത്തിൽ എല്ലാവരുടേയും നെഞ്ചിടിപ്പ് കൂട്ടിയ കൊച്ചു കുട്ടിയുടെ വീഡിയോ ഇപ്പോൾ സമൂഹമാദ്ധ്യമങ്ങളിൽ വൈറലാവുകയാണ്.
ഓസ്ട്രേലിയക്കാരനായ മാറ്റ് റെറ്റ് എന്നയാൾ പങ്കുവെച്ച വീഡിയോ ആണ് ഇപ്പേൾ സമൂഹമാദ്ധ്യമങ്ങളിൽ തരംഗമാവുന്നത്.മുതലവേട്ടക്കാരനായ മാറ്റിന്റെ രണ്ടു വയസുള്ള മകന്റെ കളിക്കോപ്പ് കണ്ട് ആശ്ചര്യപ്പെടുകയാണ് ആളുകളിപ്പോൾ. രണ്ടുവയസുകാരൻ തോട്ടത്തിൻ നിന്നും ഭീമാകാരനായ പാമ്പിനെ ഇരുകൈകകളും ഉപയോഗിച്ച് പിടിക്കുന്നതും ചെടികൾക്കിടയിൽ നിന്ന് വലിച്ച് പുറത്തേക്ക് കൊണ്ടു വരുന്നതുമായ ദൃശ്യങ്ങളാണ് മാറ്റ് പങ്കുവെച്ചത്.
നിരവധി ആളുകളാണ് ഇതിനോടകം തന്നെ ഈ വീഡിയോ ഏറ്റെടുത്തിരിക്കുന്നത്. അതേസമയം സമ്മിശ്രപ്രതികരണമാണ് വീഡിയോയ്ക്ക് ലഭിക്കുന്നത്.യാതൊരു സുരക്ഷാ മുൻകരുതലുകളും ഇല്ലാതെ കുട്ടിയെ പാമ്പിനെ പിടിക്കാൻ ഏൽപ്പിച്ച മാറ്റിന്റെ പ്രവർത്തിയെ വിമർശിച്ച് ഏറെ പേർ രംഗത്തെത്തിയിട്ടുണ്ട്.
