കൊച്ചി : മലബാർ കലാപം പശ്ചാത്തലമാക്കിയുള്ള ‘1921: പുഴ മുതൽ പുഴ വരെ’ ചിത്രത്തിന്റെ ഷൂട്ടിങ്ങിനായി ഇനിയും സഹായം വേണമെന്ന് സംവിധായകൻ അലി അക്ബർ. സഹായം അഭ്യർത്ഥിക്കുന്നതിൽ വിഷമമുണ്ടെന്നും എന്നാലും എല്ലാവരും കൂടെ ഉണ്ടാകണമെന്നും അലി അക്ബർ ഫേസ്ബുക്കിൽ കുറിച്ചു. മലയാളത്തിലെ പ്രമുഖ താരങ്ങളെ അണിനിരത്തി 151 സീനുകളോളമുള്ള വലിയ സിനിമയാണ് അലി അക്ബർ ഒരുക്കുന്നത്.
‘തിരക്കിലാണ്… തീർക്കണ്ടേ നമ്മുടെ സിനിമ.. ആർക്കും മറുപടി അയക്കാൻ കഴിയുന്നില്ല, ക്ഷമിക്കണം. അതിരാവിലെ ജോലി തുടങ്ങും അർദ്ധ രാത്രിവരെ തുടരും.. ഇനിയും അല്പം മുൻപോട്ട് പോവാനുണ്ട്, അതിനുള്ള സഹായം വേണം… സഹായം അഭ്യർത്ഥിക്കുന്നതിൽ വൈഷ്യമ്മ്യമുണ്ട്.. കൂടെ നിൽക്കണം… നന്മയുണ്ടാകട്ടെ..’ അലി അക്ബർ കുറിച്ചു.
വാരിയംകുന്നൻ സിനിമയിൽ നിന്നും സംവിധായകൻ ആഷിഖ് അബുവും നടൻ പൃഥ്വിരാജും പിന്മാറിയെങ്കിലും തന്റെ സിനിമയുമായി മുന്നോട്ട് പോവുകയാണ് അലി അക്ബർ. മമധർമ്മ എന്ന പേരിൽ രൂപീകരിച്ച പ്രൊഡക്ഷൻ ഹൗസിലൂടെ ക്രൗഡ് ഫണ്ടിംഗ് വഴിയാണ് അലി അക്ബർ ചിത്രം ഒരുക്കുന്നത്. ചിത്രത്തിന്റെ ആദ്യ ഘട്ട ഷൂട്ടിംഗ് പൂർത്തിയായി കഴിഞ്ഞു. നടൻ തലൈവാസൻ വിജയ് ആണ് വാരിയൻ കുന്നത്ത് കുഞ്ഞഹമ്മദ് ഹാജിയായി എത്തുന്നത്.
https://www.facebook.com/aliakbardirector/posts/10228037929119917
