വാഷിംഗടൺ: ആളുകളിൽ കൗതുകമുണർത്തുകയാണ് അടുത്തിടെ ജനിച്ച ഒരു ആമ. ഒന്നിനുപകരം രണ്ട് തലയും ആറു കാലുകളും അടക്കം നിരവധി സവിശേഷതകളോടെയാണ് ആമയുടെ ജനനം. ഡയമണ്ട്ബാക്ക് ടെറാപിൻ വിഭാഗത്തിൽ പെടുന്ന ആമയാണ് ഏറെ പ്രത്യേകതകളോടെ ജനിച്ചിരിക്കുന്നത്.വംശനാശ ഭീഷണി നേരിടുന്നവയാണ് ഇവ.
അമേരിക്കയിലെ മസാച്ചുസെറ്റ്സിലെ ബേർഡ്സി കേപ് വൈൽഡ്ലൈഫ് സെന്ററിലാണ് ആമ ജനിച്ചത്.
രണ്ട് തല, ആറുകാലുകൾ,രണ്ട് ദഹനവ്യവസ്ഥ എന്നീ പ്രത്യേകതകളാണ് ആമയ്ക്കുള്ളത്.മേരി-കേറ്റ്, ആഷ്ലി ഓൾസൻ എന്നിങ്ങനെയാണ് ആമയ്ക്ക് നൽകിയിരിക്കുന്ന പേര്.അമേരിക്കയിലെ പ്രശസ്തരായ ഇരട്ട ബാലതാരങ്ങളുടെ പേരുകളാണ് ആമയ്ക്ക് നൽകിയിരിക്കുന്നത്.
മൃഗഡോക്ടറായ പ്രിയ പട്ടേലും മൃഗസംരക്ഷണ കേന്ദ്രത്തിലെ മറ്റ് ജീവനക്കാരുടെയും നിരീക്ഷണത്തിലാണ് ആമ. നാലാഴ്ച പ്രായമാകുമ്പോൾ ആമയുടെ രക്തചംക്രമണ സംവിധാനം പരിശോധിക്കാൻ സിടി സ്കാൻ ചെയ്യുമെന്ന് മൃഗശാല അധികൃതർ വ്യക്തമാക്കി.
