ലക്നൗ : വിജയദശമി ദിനത്തിൽ ഗോരഖ്പൂർ ക്ഷേത്രത്തിൽ പൂജ നടത്തി ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. അതിഗംഭീരമായ ആഘോഷപരിപാടികളാണ് ക്ഷേത്രത്തിൽ നടന്നത്. എല്ലാ ഭക്തർക്കും വിജയദശമി ആശംസകൾ നേരുന്നുവെന്നും യോഗി ആദിത്യനാഥ് ട്വിറ്ററിൽ കുറിച്ചു.
അസത്യത്തിനെതിരായി സത്യത്തിന്റെയും തിന്മയ്ക്കെതിരായി നന്മയുടേയും അനീതിക്കെതിരായി വിശ്വാസത്തിന്റെയും വിജയത്തിന്റെ പ്രതീകമാണ് വിജയദശമി. എല്ലാവർക്കും നമ്മുടെ ഉള്ളിലെ രാമനെ ഉണർത്തിക്കൊണ്ട് സമൂഹത്തിലെ തിന്മകളെ ഇല്ലാതാക്കാമെന്ന് അദ്ദേഹം പറഞ്ഞു.
നവരാത്രിയുടെ അവസാന ദിവസമായ ഇന്ന് രാജ്യമെമ്പാടും വിജയദശമി ആഘോഷിക്കുന്നു. കൊറോണ മഹാമാരിക്കിടയിലും എല്ലാ മാനദണ്ഡങ്ങളും പാലിച്ചുകൊണ്ടാണ് ആഘോഷപരിപാടികൾ പുരോഗമിക്കുന്നത്. ഉത്തരേന്ത്യയിൽ ദസറ ആഘോഷിക്കുമ്പോൾ ദക്ഷിണേന്ത്യയിൽ ഈ ദിവസം വിദ്യാരംഭ ചടങ്ങുകളാണ് ആഘോഷിക്കുന്നത്.
