ദുബായ്: ടി 20 ലോകകപ്പിൽ പാക്കിസ്താനെതിരായ മത്സരത്തിൽ ഇന്ത്യക്ക് മോശം തുടക്കം. ടോസ് നഷ്ടപ്പെട്ട ഇന്ത്യയെ പാക്കിസ്താൻ ബാറ്റിങിനയക്കുകയായിരുന്നു. നേരിട്ട ആദ്യ ബോളിൽ തന്നെ രോഹിത്ശർമ്മ സംപൂജ്യനായി മടങ്ങി. അപ്പോൾ സ്കോർ ബോർഡിൽ ഒറ്റ റൺസ് മാത്രമായിരുന്നു.
ഷഹീൻ അഫ്രിദിയുടെ പന്തിൽ രോഹിത് വിക്കറ്റിനു മുന്നിൽ കുടുങ്ങുകയായിരുന്നു. അധികം വൈകാതെ കെ എൽ രാഹുലും മടങ്ങി. ഷഹീൻ അഫ്രിദിയുടെ പന്തിൽ ബൗൾഡാവുകയായിരുന്നു. വെറും ആറു റൺ മാത്രമായിരുന്നു ഇന്ത്യയുടെ സ്കോർ.
ഇന്ത്യൻ ടീം: രോഹിത്ശർമ്മ,കെ എൽ രാഹുൽ, വിരാട് കോഹ്ലി(ക്യാപ്റ്റൻ),സൂര്യകുമാർയാദവ്,ഋഷഭ് പന്ത്(വിക്കറ്റ്കീപ്പർ),ഹാർദിക് പാണ്ഡ്യ,രവീന്ദ്ര ജഡേജ, ഭുവനേശ്വർകുമാർ,മുഹമദ് ഷമി,ജസ്പ്രീത് ബൂംറ,വരുൺ ചക്രവർത്തി.
