മനുഷ്യചരിത്രത്തിലെ ഏറ്റവും കുപ്രസിദ്ധമായ മയക്കുമരുന്ന് രാജാവ് പാബ്ലോ എസ്കോബാർ വളർത്തുമൃഗങ്ങളായി കൊണ്ടുവന്ന കൊക്കെയ്ൻ ഹിപ്പോകളെ മനുഷ്യരെ പോലെ അംഗീകരിക്കാമെന്ന് യുഎസ് കോടതി .
വളർത്തുമൃഗങ്ങളായി കൊളംബിയയിലേക്ക് കൊണ്ടുവന്ന ഇവ കഴിഞ്ഞ ഏതാനും പതിറ്റാണ്ടുകളായി ഭയാനകമായ വേഗതയിൽ പ്രജനനം നടത്തുകയും കൊളംബിയൻ സസ്യജന്തുജാലങ്ങൾക്ക് ഗുരുതരമായ ഭീഷണിയായി മാറുകയും ചെയ്തു.
ജൈവവൈവിധ്യത്തിന് ഭീഷണിയായ ഹിപ്പോകളുടെ എണ്ണം അതിവേഗം വളർന്നതിനാൽ അവയെ കൊല്ലുകയോ വന്ധ്യംകരിക്കുകയോ ചെയ്യണമെന്ന് ആവശ്യപ്പെടുന്ന കേസിലാണ് പുതിയ വിധി. നിയമപരമായ അവകാശങ്ങളുള്ള ആളുകളോ താൽപ്പര്യമുള്ള വ്യക്തികളോ ഹിപ്പോകളെ കാണാമെന്നാണ് ഫെഡറൽ കോടതി പ്രസ്താവിക്കുന്നത് .
മൃഗങ്ങൾക്ക് വ്യക്തിത്വ പദവി നൽകുന്നതിനായി യുഎസ് നീതിന്യായ വ്യവസ്ഥയെ സ്വാധീനിക്കാൻ ദീർഘകാലങ്ങളായി മൃഗാവകാശ സംഘടനകൾ ശ്രമിക്കുന്നുണ്ടായിരുന്നു.
1980 കളിൽ പാബ്ലോ എസ്കോബാർ ഒരു അമേരിക്കൻ മൃഗശാലയിൽ നിന്നാണ് കൊളംബിയയിലേയ്ക്ക് നാല് ഹിപ്പോകളെ കടത്തി കൊണ്ടു വന്നത് . തുടർന്ന് പ്യൂർട്ടോ ട്രൈൻഫോയിലെ അദ്ദേഹത്തിന്റെ ആഡംബര വീട്ടിൽ അവയെ പാർപ്പിച്ചു . എന്നാൽ പാബ്ലോയുടെ സാമാജ്യം തകർന്നതോടെ ഇവയെ കാട്ടിലേക്ക് വിട്ടു
ധാരാളം ജലസ്രോതസ്സുകൾ ഉള്ളതിനാൽ ഹിപ്പോപൊട്ടാമസുകളുടെ എണ്ണം വർദ്ധിക്കുകയും ചെയ്തു. തുടക്കത്തിൽ നാല് ഹിപ്പോകൾ മാത്രം ഉണ്ടായിരുന്നിടത്ത് ഇന്ന് നൂറിലധികം ഹിപ്പോകൾ ഉണ്ട്, 2039 ഓടെ 1,400 ഹിപ്പോകൾ ഉണ്ടാകുമെന്ന് ശാസ്ത്രജ്ഞർ പറയുന്നു. ഇവയെ വേട്ടയാടാനുള്ള മൃഗങ്ങളും അവിടെ ഇല്ല. ഈ ഹിപ്പോകൾ ഇപ്പോൾ “കൊക്കെയ്ൻ ഭീമന്മാർ” എന്നാണ് അറിയപ്പെടുന്നത്
Comments