വീട് വാങ്ങുന്നതും വിൽക്കുന്നതും സാധാരണ സംഭവമാണ്. കോടികൾ വിലമതിക്കുന്ന ആഡംബര വീടുകളും ലക്ഷങ്ങൾ മാത്രം വിലയുള്ള വീടുകളും ആളുകൾ വിൽക്കുകയും വാങ്ങുകയും ചെയ്യുന്നു. ഇറ്റലിയിലെ മിയാമിയിൽ ഒരു ആഡംബര വീട് വിൽപ്പനയ്ക്കുണ്ട്. എന്താണ് ഇതിന് ഇത്ര പ്രത്യേകത എന്നല്ലേ..
51,000 ചതുരശ്ര അടി വിസ്ത്രീർണത്തിൽ ഒമ്പത് കിടപ്പു മുറികളും നീന്തൽ കുളങ്ങളും തുടങ്ങി അത്യാധുനിക സംവിധാനങ്ങൾ എല്ലാമുള്ള വീടിന്റെ ഉടമസ്ഥൻ ഒരു മനുഷ്യനല്ല. മറിച്ച് ലോകത്തെ ഏറ്റവും വലിയ പണക്കാരൻ വളർത്തുനായ ആയ ഗുന്തർ ആറാമൻ ആണ്. ഏകദേശം 238 കോടി രൂപയ്ക്കാണ് ഗുന്തർ തന്റെ വീട് വിൽപ്പനയ്ക്ക് വെച്ചത്. ചില്ലറക്കാരനല്ല ഗുന്തർ ആറാമൻ. ഈ വളർത്തുനായക്ക് പാരമ്പര്യമായി ലഭിച്ച സ്വത്തുക്കളുടെ കൂട്ടത്തിലുള്ളതാണ് ആഡംബര വീട്.
1992 ൽ ജർമൻകാരനായ കർലോട്ട ലീബൻ സ്റ്റൈൻ നിരവധി വളർത്തു മൃഗങ്ങളെ പരിപാലിച്ചുപോന്നു. കുട്ടികളില്ലാത്ത അദ്ദേഹം തന്റെ വളർത്തുനായ ആയിരുന്ന ഗുന്തർ മൂന്നാമന് തന്റെ കോടിക്കണക്കിന് രൂപ വില വരുന്ന സമ്പത്ത് നൽകി. ഇങ്ങനെ അവസാനം ഈ സ്വത്തുക്കൾ ഗുന്തർ ആറാമന് തന്റെ വംശ പരമ്പരയിൽ നിന്ന് ലഭിച്ചു. കോടിക്കണക്കിന് സ്വത്തുക്കൾ ഉള്ള ഗുന്തർ ട്രസ്റ്റ് ഇവ പലയിടങ്ങളിലായി നിക്ഷേപിച്ചു.
പിന്നീട് 2000ൽ പോപ്പ് സംഗീത ഇതിഹാസം മഡോണയിൽ നിന്ന് മിയാമി വീടും സ്വന്തമാക്കി. ഏറെ കാലമായി ഗുന്തർ ആറാമൻ എന്ന വളർത്തുനായ ഈ വീട്ടിലാണ് താമസം. എന്നാൽ വീട് വിൽക്കുന്നതിന്റെ കാരണം ഗുന്തർ ട്രസ്റ്റ് ഇതു വരെ വെളിപ്പെടുത്തിയിട്ടില്ല.
Comments