ന്യൂഡൽഹി: കൊറോണ മഹാമാരിയെ തുടർന്ന് നിർത്തി വെച്ച ട്രെയിനുകളിലെ ഭക്ഷണ വിൽപ്പന റെയിൽവേ പുന:രാരംഭിക്കുന്നു. ഇത് സംബന്ധിച്ച നിർദ്ദേശങ്ങളടങ്ങിയ കത്ത് റെയിൽവേ ഐആർടിസിക്ക് നൽകി. റെഡി റ്റു ഈറ്റ് ഭക്ഷണവും യാത്രക്കാർക്ക് നൽകുന്നത് തുടരുമെന്ന് റെയിൽവേ ബോർഡ് അറിയിച്ചു.
അതത് സംസ്ഥാനങ്ങളിൽ ലഭിക്കുന്ന നാടൻ ഭക്ഷണങ്ങളും മെനുവിൽ ഉൾപ്പെടുത്തും.ടിക്കറ്റ് എടുക്കുമ്പോൾ തന്നെ യാത്രക്കാരന് ഭക്ഷണം തിരഞ്ഞെടുക്കാം.സമൂസ, പഴം പൊരി തുടങ്ങിയ ലഘുഭക്ഷണപദാർഥങ്ങളല്ലാതെ മറ്റൊരു ഭക്ഷണ സാധനവും ട്രെയിനിൽ വിളമ്പരുതെന്ന് കർശന നിർദ്ദേശവും റെയിൽവേ നൽകിയിട്ടുണ്ട്.
കഴിഞ്ഞ ദിവസം മെയിൽ,എക്സ്പ്രസ് ട്രെയിനുകളിലെ സ്പെഷൽ ടാഗുകൾ ഒഴിവാക്കാൻ റെയിൽവേ തീരുമാനിച്ചിരുന്നു. കൊറോണയ്ക്ക് മുൻപത്തെ ടിക്കറ്റ് നിരക്ക് ഏർപ്പെടുത്താനും റെയിൽവേ തീരുമാനമെടുത്തിരുന്നു. ഇതിന് പിന്നാലെയാണ് യാത്രക്കാർക്ക് ഏറെ ഗുണകരമാകുന്ന ഭക്ഷണ വിൽപ്പന പുന:രാരംഭിക്കുന്നത്.
Comments