ന്യൂഡൽഹി : ഭാരതീയരുടെ ഒരിക്കലും കെടാത്ത അഗ്നിയായി ഈ ചിത്രമുണ്ടാകണം . ഇന്ത്യൻ ചരിത്രത്തിൽ ഉണങ്ങാത്ത മുറിവ് ഉണ്ടാക്കിയ മുംബൈ ഭീകരാക്രമണത്തിന്റെ ചിത്രമാണ് വിദേശകാര്യമന്ത്രി എസ് ജയശങ്കർ പങ്ക് വച്ചത് . പുക ഉയരുന്ന താജ് ഹോട്ടലിന്റെ ചിത്രത്തിനൊപ്പം ‘ ഒരിക്കലും മറക്കരുത് ‘ എന്ന കുറിപ്പും ഉണ്ടായിരുന്നു.
മുംബൈ ആക്രമണത്തെ ഓര്‍മ്മിപ്പിച്ചായിരുന്നു മന്ത്രിയുടെ ട്വീറ്റ്. 2008 നവംബര്‍ 26ന് കടല്‍മാര്‍ഗം മുംബൈയിലെത്തിയ ഭീകരർ താജ് ഹോട്ടലിലേക്ക് അതിക്രമിച്ച് കയറി. ഒന്നിലധികം സ്ഥലങ്ങളില്‍ തുറന്ന വെടിവയ്പ് നടത്തി. ആക്രമണത്തില്‍ 18 സുരക്ഷാ ഉദ്യോഗസ്ഥര്‍ ഉള്‍പ്പെടെ 166 പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തു.
സിന്ധ് പ്രവിശ്യയിൽനിന്ന് ഭീകരപ്രവർത്തനത്തിൽ പരിശീലനം ലഭിച്ചവരാണ് പ്രതികളെല്ലാമെന്ന് പിന്നീട് കണ്ടെത്തിയിരുന്നു . കറാച്ചിയിലെ ഇവരുടെ കൺട്രോൾ റൂം കണ്ടെത്തിയെന്നും പാകിസ്താൻ ഫെഡറൽ ഏജൻസി നേരത്തേ അറിയിച്ചിരുന്നു.
