കൊച്ചി: കരിക്ക് വെബ് സീരീസിലൂടെ മലയാളികൾക്ക് സുപരിചിതനായ അർജുൻ രത്തൻ വിവാഹിതനാകുന്നു. സമൂഹമാദ്ധ്യമങ്ങളിൽ പ്രിയതമയ്ക്കൊപ്പമുള്ള ചിത്രങ്ങൾ പങ്കുവെച്ചാണ് താരം ഇക്കാര്യം അറിയിച്ചത്. ചിത്രങ്ങൾ വൈറലായതോടെ നിരവധി പേരാണ് താരത്തിന് ആശംസകൾ നേർന്ന് രംഗത്തെത്തിയത്.
‘ഇറ്റ്സ് ഒഫീഷ്യൽ’ എന്ന അടിക്കുറിപ്പോടെയാണ് അർജുൻ തന്റെ വിവാഹനിശ്ചയത്തിന്റെ ചിത്രങ്ങൾ പങ്കുവെച്ചത്. ‘മക്കളെ മാമനോടൊന്നും തോന്നല്ലേ’ എന്ന അർജുന്റെ പ്രശസ്ത ഡയലോഗിനൊപ്പമാണ് ആരാധകർ ആശംസകൾ നേർന്നത്. കരിക്കിലെ പ്രധാന കഥാപാത്രത്തിനു പുറമെ, കണ്ടന്റ് പ്രൊഡ്യൂസർ കൂടിയാണ് താരം.
വളരെ ചുരുങ്ങിയ കാലം കൊണ്ടു തന്നെ മലയാളികളുടെ മനസ്സിൽ ഇടംപിടിച്ച വെബ് സീരീസാണ് കരിക്ക്. പതിവ് കഥകൾക്ക് പുറമെ വ്യത്യസ്തമായ വിഷയങ്ങൾ അവതരിപ്പിച്ചാണ് കരിക്ക് വൻ ജനശ്രദ്ധ നേടി മുന്നോട്ട് കുതിക്കുന്നത്. യുവാക്കളായ സാധാരണക്കാരിൽ നടക്കുന്ന ചില സംഭവങ്ങൾ ക്യാമറയിൽ പകർത്തി അവതരണത്തിലും വ്യത്യസ്തത പുലർത്തുന്നതാണ് കരിക്ക് യുവാക്കളുടെ മനം കവരാനുള്ള പ്രധാന കാരണം.
Comments