മലയാളികളുടെ പ്രിയ താരദമ്പതികളാണ് ദിലീപും കാവ്യാ മാധവനും. ഇവരുടെ മകൾ മഹാലക്ഷ്മിയും മലയാളികൾക്ക് ഏറെ പ്രിയങ്കരിയാണ്. വളരെ അപൂർവ്വമായി മാത്രമാണ് ഇവർ മഹാലക്ഷ്മിയുടെ ചിത്രങ്ങൾ സമൂഹമാദ്ധ്യമങ്ങളിൽ പങ്കുവയ്ക്കുന്നത്. ഇത്തരത്തിൽ പുറത്തുവരുന്ന ചിത്രങ്ങളെല്ലാം തന്നെ വളരെ വേഗത്തിൽ ഇരുവരുടേയും ആരാധകർ ഏറ്റെടുക്കാറുമുണ്ട്. നിമിഷനേരം കൊണ്ടാണ് ഈ വീഡിയോകൾ വൈറലാകുന്നത്.
ദുബായിൽ അച്ഛനും അമ്മയ്ക്കും ഒപ്പം എത്തിയ മഹാലക്ഷ്മിയുടെ ഒരു വീഡിയോയാണ് സമൂഹമാദ്ധ്യമങ്ങളിൽ ഇപ്പോൾ വൈറലായിരിക്കുന്നത്. മിഠായി വേണോ എന്ന ചോദ്യത്തിന് ‘ മിഠായി കഴിച്ചാൽ പുഴുപ്പല്ല് വരും’ എന്നാണ് മഹാലക്ഷ്മി മറുപടി നൽകുന്നത്. ഇവരുടെ കൂട്ടത്തിലുള്ള ആരോ പകർത്തിയ വീഡിയോ ആണിത്.
വിജയദശമി ദിനത്തിൽ ആദ്യാക്ഷരം കുറിക്കുന്ന ചിത്രങ്ങളും, പിറന്നാൾ ചിത്രങ്ങളുമാണ് മകളുടേതായി ദിലീപ് സമൂഹമാദ്ധ്യമങ്ങളിൽ പങ്കുവച്ചത്. മഹാലക്ഷ്മിയുടെ പിറന്നാൾ ചിത്രങ്ങൾ ദിലീപിന്റെ മകൾ മീനാക്ഷിയും പോസ്റ്റ് ചെയ്തിരുന്നു.
