സംയുക്ത സേനാ മേധാവി വിപിൻ റാവത്തിന്റെ മരണത്തിൽ ആഹ്ളാദം പങ്കിട്ട സി പി എം സഹയാത്രികയും,അഭിഭാഷകയും ആയ രശ്മിതാ രാമചന്ദ്രനെ രൂക്ഷമായി വിമർശിച്ച് മാദ്ധ്യമ പ്രവർത്തകൻ അഡ്വ:എ ജയശങ്കറും.സുഡാപ്പി-മൗദൂദികളുടെ കയ്യടി കിട്ടാൻ ഫേസ്ബുക്ക് പോസ്റ്റിടുന്ന ക്ഷുദ്രജീവികളായ സാംസ്കാരിക നായികമാരെ മുക്കാലിയിൽ കെട്ടി അടിക്കണമെന്ന് ജയശങ്കർ ഫേസ്ബുക്ക് പോസ്റ്റിൽ പറയുന്നു.
“ഇന്ത്യൻ സേനാനായകൻ അപകടത്തിൽ മരിക്കുമ്പോൾ പാക്കിസ്താൻകാർ ആഹ്ളാദിക്കുന്നത് സ്വാഭാവികം.കശ്മീർ സ്വാതന്ത്ര്യവാദികളുടെ സന്തോഷവും മനസ്സിലാക്കാം. നമ്മുടെ നാട്ടിലെ ജിഹാദികളെ പോലും തെറ്റു പറയാനാകില്ല.സുഡാപ്പി-മൗദൂദികളുടെ കയ്യടി കിട്ടാൻ ഫേസ്ബുക്ക് പോസ്റ്റിടുന്ന ക്ഷുദ്രജീവികളായ സാംസ്കാരിക നായികമാരെ മുക്കാലിയിൽ കെട്ടി അടിക്കണം”ജയശങ്കർ ഫേസ്ബുക്ക് കുറിപ്പിൽ വ്യക്തമാക്കുന്നു.
മരണം ഒരാളെ വിശുദ്ധനാക്കുന്നില്ലെന്നായിരുന്നു രശ്മിതയുടെ പരാമർശം.രശ്മിതയ്ക്കെതിരെ നടപടി ആവശ്യപ്പെട്ട് യുവമോർച്ച ദേശീയ സിക്രട്ടറി പി ശ്യാംരാജ് മുഖ്യമന്ത്രി,ചീഫ് സെക്രട്ടറി, അഡ്വക്കേറ്റ് ജനറൽ എന്നിവർക്ക് പരാതി നൽകിയിരുന്നു.കൂടാതെ മറ്റ് നിരവധി പേരും പരാതികളുമായി രംഗത്തെത്തിയിട്ടുണ്ട് സോഷ്യൽ മീഡിയയിലും ശക്തമായ പ്രതിഷേധം രശ്മിതയ്ക്കെതിരെ ഉയർന്നിട്ടുണ്ട്. ഹൈക്കോടതിയിൽ സംസ്ഥാന സർക്കാറിൻെറ പ്ലീഡര് കൂടിയായ രശ്മിത രാമചന്ദ്രൻ ജമാ അത്തെ ഇസ്ലാമി വേദികളിൽ സജീവ സാന്നിദ്ധ്യമാണ്.
