താഷ്‌കന്റ്:കോമൺവെൽത്ത് ഭാരോദ്വഹന ചാമ്പ്യൻഷിപ്പിൽ ഇന്ത്യക്ക് സ്വർണം.അജയ് സിംഗാണ് സ്വർണം കരസ്ഥമാക്കിയത്. പുരുഷൻമാരുടെ 81 കിലോഗ്രാം വിഭാഗത്തിലാണ് 24 കാരനായ അജയ് സിംഗിന്റെ നേട്ടം.
ഇതോടെ 2022 ൽ ബർമിങ്ഹാമിൽ നടക്കുന്ന കോമൺവെൽത്ത് ഗെയിംസിലേക്ക് നേരിട്ട് യോഗ്യത നേടി.322 കിലോഗ്രാം ഉയർത്തിയാണ് താരം സ്വർണം നേടിയത്. ആദ്യ ഘട്ടത്തിൽ 147 കിലോയും രണ്ടാം ഘട്ടത്തിൽ 175 കിലോയും ഉയർത്താൻ അജയ് സിംഗിന് സാധിച്ചു.
ഇന്ത്യൻ താരങ്ങളായ ജെറമി ലാൽറിന്നുംഗയ്‌ക്കും അചിന്ത ഷീലിയ്‌ക്കും പിന്നാലെ കോമൺവെൽത്ത് ഗെയിംസിലേക്ക് യോഗ്യത നേടിയ മൂന്നാമത്തെ ഭാരോദ്വഹന താരമാണ് അജയ് സിംഗ്.
കഴിഞ്ഞ ദിവസം ഇന്ത്യയുടെ പോപ്പി ഹസാരിക വനിതാ വിഭാഗം ഭാരോദ്വഹന വെള്ളി നേടിയിരുന്നു.
