കണ്ണൂർ: ലഹരിഗുളികകൾ കാറിൽ കേരളത്തിലേക്ക് കടത്തിയ യുവാവ് പിടിയിൽ. കണ്ണൂർ താണ സ്വദേശി സി.ഹാഷിഫ് (41) ആണ് പിടിയിലായത്.
ക്രെറ്റ കാറിലായിരുന്നു ഗുളികകൾ കടത്താൻ ശ്രമിച്ചത്. വാഹനവും കസ്റ്റഡിയിലെടുത്തിട്ടുണ്ട്. പരിശോധനകൾ ഒഴിവാക്കാൻ വേണ്ടിയാകും ഈ വാഹനം തെരഞ്ഞെടുത്തതെന്നാണ് നിഗമനം.
കിളിയന്തറ എക്‌സൈസ് ചെക്ക് പോസ്റ്റിൽ നിന്നാണ് ഇയാളെ പിടികൂടിയത്. 400 ട്രമഡോൾ ഗുളികകൾ ഇയാളിൽ നിന്നും പിടിച്ചെടുത്തു. പോലീസ് ഇയാളെ വിശദമായി ചോദ്യം ചെയ്തു വരികയാണ്.
