ഡല്ഹി: രാജ്യതലസ്ഥാനം കൊടുംതണുപ്പിലമരുകയാണ്.ഡല്ഹിനിവാസികള് ഉണരുന്നത് തണുത്തുവിറങ്ങലിക്കുന്ന പ്രഭാതങ്ങളിലേക്കാണ്.അന്തരീക്ഷ താപനില നാലു ഡിഗ്രി സെല്ഷ്യസിനും താഴെ. 3.1 ഡിഗ്രി സെല്ഷ്യസിലേക്ക് താപനില താഴ്ന്നതായി ലോധി റോഡിലെ കാലാവസ്ഥ നിരീക്ഷണകേന്ദ്രം രേഖപ്പെടുത്തി.
തലസ്ഥാനവാസികള്ക്ക് പെട്ടന്നൊന്നും തണുപ്പില് നിന്നു മോചനം നേടാനാവില്ലെന്നാണ് കാലാവസ്ഥ നിരീക്ഷണകേന്ദ്രം റിപ്പോര്ട്ട് ചെയ്യുന്നത്. തണുപ്പ് അനുദിനം ശക്തമാകുന്നസാഹചര്യത്തില് അടുത്ത മൂന്നു ദിവസം വടക്കുപടിഞ്ഞാറന് ഇന്ത്യയില് കനത്ത ശൈത്യം നിലനില്ക്കുമെന്ന് കാലാവസ്ഥ വകുപ്പ് മുന്നറിയിപ്പു നല്കി.ഡല്ഹിയ്ക്ക് ഒപ്പം ഉത്തരാഖണ്ഡിലും ഈ മാസം 21 വരെ യെല്ലോ അലര്ട്ട് നിലനില്ക്കുന്നുണ്ട്.
ഉത്തരാഖണ്ഡിലെ പലപ്രദേശങ്ങളും മുക്തേശ്വര്, മുസ്സോറി, പിതോരാഗര്, ന്യൂതെഹ്രി എന്നിവിടങ്ങളില് ശൈത്യം പൂജ്യത്തില് തുടരുകയാണ്.
അതെ സമയം കാറ്റിന്റെ ഗതിവേഗം കുറയുന്നതിനാല് ഡല്ഹിയിലെ താപനില 19 ഡിഗ്രിയിലെത്തിയേക്കാമെന്നും കാലവസ്ഥപ്രവചനമുണ്ട്.
സിക്കറിനും അമൃത്സറിനും പിന്നാലെചുരുവില് മൈനസ് രണ്ട് ഡിഗ്രിക്ക് താഴെയാണ് താപനില.ഡിസംബര് 24,25 തിയതികളില് ചാറ്റല്മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണകേന്ദ്രം ഡയറക്ടര് ജനറല് ആര്.കെ.ജനമണി വ്യക്തമാക്കി. ഉത്തരാഖണ്ഡിന്റെ പലഭാഗത്തും അടുത്തരണ്ടുദിവസങ്ങളിലും പഞ്ചാബിലും ഹരിയാനയിലും 23,24 തിയതികളിലും മൂടല്മഞ്ഞിന് സാധ്യതയും പ്രവചിക്കുന്നു.പതിനഞ്ചു കിലോമീറ്റര് വേഗതയില് തണുത്തുവരണ്ട് പ്രവഹിക്കുന്നവടക്കുപടിഞ്ഞാറന് കാറ്റ് വ്യാഴാഴ്ച വരെ തുടരും. ഇതുകാരണം തണുത്തകാലാവസ്ഥയ്ക്ക് ഉടന്പരിഹാരമാകില്ലെന്നാണ് കാലാവസ്ഥ നിരീക്ഷണം വ്യക്തമാക്കുന്നത്.
Comments