ന്യൂഡൽഹി : രാധാകൃഷ്ണ പ്രണയത്തെ ആസ്പദമാക്കിയുള്ള ഗാനത്തെ മോശമായി ചിത്രീകരിക്കുന്ന സണ്ണി ലിയോണിന്റെ സംഗീത ആൽബത്തിനെതിരെ പ്രതിഷേധം. കനിക കപൂറും അരിന്ദം ചക്രവർത്തിയും പാടിയ മധുബൻ എന്ന ആൽബം സരിഗമ മ്യൂസികാണ് ബുധനാഴ്ച പുറത്തിറക്കിയത്.
1960-ൽ പുറത്തിറങ്ങിയ കോഹിനൂർ എന്ന ചിത്രത്തിലെ മുഹമ്മദ് റഫിയുടെ ‘മധുബൻ മേം രാധിക നാച്ചേ’ എന്ന ഗാനത്തിന്റെ റീമിക്സാണ് ആൽബത്തിൽ ഉപയോഗിച്ചിരിക്കുന്നത് .കൃഷ്ണനും രാധയും തമ്മിലുള്ള പ്രണയത്തെ ആസ്പദമാക്കിയുള്ള ഗാനം ഐറ്റം ഡാൻസിനു തുല്യമായ രീതിയിലാണ് ചിത്രീകരിച്ചിരിക്കുന്നത് .
സരിഗമയുടെ യുട്യൂബ് ചാനലിലും ഏറെ വിമർശന കമന്റുകളാണ് ഇതുമായി ബന്ധപ്പെട്ട് വരുന്നത് .എന്ത് തരത്തിലുള്ള വീഡിയോയ്ക്ക് ഏത് തരത്തിലുള്ള വരികളാണ് ഉപയോഗിക്കേണ്ടതെന്ന് ചിന്തിക്കാനുള്ള ബുദ്ധി ഇല്ലെയെന്നും ചിലർ ചോദിക്കുന്നു.
ഗാനം രാധാദേവിയെ അവഹേളിക്കുന്നതാണെന്നും ഹിന്ദുമതത്തെ പരിഹസിക്കുന്നതാണെന്നും നിരവധി കമന്റുകളിൽ പറയുന്നു , “മധുബൻ മേ രാധിക നാച്ചേ രേ” എന്ന പഴയ ഗാനം കൃഷ്ണനോടുള്ള രാധയുടെ സ്നേഹം വളരെ മനോഹരമായി അറിയിക്കുന്നതാണ് . എന്തിനാണ് അത് ഇത്തരമൊരു ചിത്രീകരണത്തിനായി ഉപയോഗിക്കുന്നത്. ഹിന്ദു വികാരങ്ങളെ വ്രണപ്പെടുത്താൻ ശ്രമിക്കരുതെന്നും ചിലർ താക്കീത് ചെയ്യുന്നു.
ഹിന്ദു ദൈവങ്ങളെ അപകീർത്തിപ്പെടുത്തുന്ന മ്യൂസിക് വീഡിയോ ബഹിഷ്കരിക്കാനും ട്വിറ്റർ ഉപയോക്താക്കൾ ആഹ്വാനം ചെയ്തു.#BoycottMadhuban എന്ന ഹാഷ്ടാഗ് ഉപയോഗിച്ച് സോഷ്യൽ മീഡിയ ഉപയോക്താക്കൾ ഇതിനകം തന്നെ ഗാനം ബഹിഷ്ക്കരിക്കുന്നതിനുള്ള പ്രചാരണം ആരംഭിച്ചിട്ടുണ്ട്.
Comments