ജക്കാർത്ത: ഇന്തോനേഷ്യയിൽ മദേഴ്സ് ഡേ ആഘോഷിച്ച് ജനങ്ങൾ. ഇത്തവണ വ്യത്യസ്തമായ ചടങ്ങാണ് മദേഴ്സ് ഡേ പ്രമാണിച്ച് രാജ്യത്ത് സംഘടിപ്പിച്ചത്. കുട്ടികൾ അവരുടെ അമ്മമാരുടെ കാലുകൾ കഴുകി വന്ദിക്കുന്ന ചടങ്ങിൽ നിരവധി പേർ പങ്കെടുത്തു. ഇന്തോനേഷ്യയിൽ ഡിസംബർ 22നാണ് മദേഴ്സ് ഡേ ആചരിക്കുന്നത്.
Hundreds of Indonesian children washed their mother's feet at an event to commemorate Mother's Day pic.twitter.com/9pzaDXG0IU
— Reuters (@Reuters) December 23, 2021
കുഞ്ഞുങ്ങൾക്ക് തന്റെ മാതാവിനോടുള്ള സ്നേഹവും ബഹുമാനവും വ്യക്തമാക്കുന്നതായിരുന്നു ചടങ്ങ്. തന്റെ മക്കൾ അനുഗ്രഹീതരാകുമെന്നും ഈ ചടങ്ങിൽ പങ്കെടുക്കാൻ കഴിഞ്ഞതിൽ സന്തോഷമുണ്ടെന്നും റിയ അസഹരി എന്ന അമ്മ പ്രതികരിച്ചു. മകളെക്കുറിച്ച് ചിന്തിക്കുമ്പോൾ അഭിമാനം തോന്നുന്നുണ്ട്. അവളുടെ എല്ലാ സ്വപ്നങ്ങളും സാക്ഷാത്കരിക്കപ്പെടെട്ടെയെന്നും ആ അമ്മ പറഞ്ഞു.
ഈ മദേഴ്സ് ഡേ പരിപാടി കുട്ടികൾക്കൊരു ഓർമപ്പെടുത്തലാണ്. മക്കളുടെ സുഖകരമായ ജീവിതത്തിനായി അമ്മമാരുടെ നന്മയും ത്യാഗവും പൂർണമായും സമർപ്പിക്കുകയാണ്. ഒരുപക്ഷേ അവരുടെ മക്കൾ പ്രായപൂർത്തിയാകുന്നത് വരെ, അല്ലെങ്കിൽ അമ്മമാർ ജീവിക്കുന്നിടത്തോളം കാലം ഇത് തുടർന്നു കൊണ്ടിരിക്കുമെന്നും പരിപാടിയുടെ സംഘാടകരിൽ ഒരാളായ ജില്ലാ മേധാവി ഫൗസി പ്രതികരിച്ചു.
Comments