തന്റെ അപൂർവ്വ പ്രവചനങ്ങൾകൊണ്ട് ശ്രദ്ധ നേടിയ ബൾഗേറിയക്കാരി ബാബാ വാംഗ മുത്തശ്ശിയെ അത്രപെട്ടെന്ന് മറക്കാൻ സാധിക്കില്ല. വേൾഡ് ട്രേഡ് സെന്റർ ആക്രമിക്കപ്പെടുമെന്നും ബറാക് ഒബാമ അമേരിക്കൻ പ്രസിഡന്റ് ആകുമെന്നും വർഷങ്ങൾക്ക് മുൻപേ പ്രവചിച്ച മുത്തശ്ശി എന്നും മനുഷ്യന് അത്ഭുതമായിരുന്നു. എന്നാൽ ഇപ്പോൾ 2022 നെക്കുറിച്ചുള്ള മുത്തശ്ശിയുടെ പ്രവചനം ജനങ്ങളിൽ ഭീതി സൃഷ്ടിച്ചിരിക്കുകയാണ്. 2022 ൽ ലോകത്തെ കാത്തിരിക്കുന്നത് മഹാദുരന്തമാണെന്നാണ് മുത്തശ്ശിയുടെ പ്രവചനം. കൊറോണ മഹാമാരിയിൽ നിന്നും കരകയറി പുതിയ പ്രതീക്ഷകൾ തരുന്ന പുതിയ വർഷത്തെ വരവേൽക്കാനിരിക്കെയാണ് മുത്തശ്ശിയുടെ അമ്പരപ്പിക്കുന്ന പ്രവചനങ്ങൾ പുറത്തുവരുന്നത്.
ബാബാ വാംഗയെന്ന വിളിപ്പേരുള്ള വാംഗേലിയ പാണ്ഡീവ ഗുസ്തെറോവ എന്ന മുത്തശ്ശി വർഷങ്ങൾക്ക് മുൻപാണ് ഈ വെളിപ്പെടുത്തൽ നടത്തിയത്. വർഷങ്ങൾക്ക് മുൻപ് മരിച്ചുപോയ മുത്തശ്ശിയുടെ പ്രവചന രേഖകളിൽ നിന്നാണ് ഇത് കണ്ടെടുത്തത്. പുതുവർഷത്തിൽ അന്യഗ്രഹ ജീവികൾ ഭൂമിയെ ആക്രമിക്കുമെന്നും മാരകമായ വൈറസ് പൊട്ടിപ്പുറപ്പെടുമെന്നും മുത്തശ്ശി നേരത്തെ പ്രവചിച്ചിട്ടുണ്ട്. പ്രകൃതി ക്ഷോഭങ്ങൾ ഏഷ്യയേയും ഓസ്ട്രേലിയയേയും ബാധിക്കുമെന്ന സൂചനയും ഈ മുത്തശ്ശി നേരത്തെ നൽകിക്കഴിഞ്ഞു.
ബൾഗേറിയയിൽ ഏറെ പ്രശസ്തയാണ് ബാബാ വാംഗ. 85-ാം വയസ്സിലും നല്ല ഓർമ്മശക്തിയുണ്ടായിരുന്ന മുത്തശ്ശി തന്റെ 12-ാം വയസ്സിലാണ് ആദ്യ പ്രവചനം നടത്തിയത്. വലിയ കൊടുങ്കാറ്റുണ്ടാകുമെന്നായിരുന്നു ആദ്യ പ്രവചനം. അത് സത്യമായി തീർന്നതോടെ ആളുകൾ മുത്തശ്ശിയുടെ ദിവ്യ ശക്തിയെ വിശ്വസിക്കാൻ തുടങ്ങി. 1996 ലാണ് മുത്തശ്ശി അന്തരിച്ചത്. മരിക്കുംമുൻപ് 5079 വർഷം വരെയുള്ള പ്രവചനം നടത്തിയിട്ടാണ് ബാബാ വാംഗ മൺമറഞ്ഞത്. ആ വർഷത്തോടെ ലോകം അവസാനിക്കുമെന്നും വാംഗ രേഖപ്പെടുത്തിയിട്ടുണ്ട്.
സോവിയറ്റ് യൂണിയന്റെ തകർച്ച, 2004 ലെ തായ്ലാന്റിൽ നടന്ന സുനാമി, ഡയാന രാജകുമാരിയുടെ അപകട മരണം എന്നിവയും ബാബ വാംഗയുടെ പ്രവചനങ്ങളിൽ ചിലതാണ്. എന്നാൽ കൊറോണയ്ക്ക് ശേഷം 2022 ൽ ലോകത്തെ ഞെട്ടിക്കുന്ന ബുദ്ധിമുട്ടുകൾ ആളുകൾ നേരിടേണ്ടി വരുമെന്നാണ് മുത്തശ്ശി രേഖപ്പെടുത്തിയിരിക്കുന്നത്.
കൊറോണ മഹാമാരിയിൽ നിന്നും കരകയറുന്ന ലോകത്ത് പുതിയൊരു വൈറസ് പൊട്ടിപ്പുറപ്പെടുമെന്ന് മുത്തശ്ശി പ്രവചിച്ചിട്ടുണ്ട്. സൈബീരിയയിൽ മരവിച്ച നിലയിലിരിക്കുന്ന മാരക വൈറസിനെ ഗവേഷക സംഘം കണ്ടെത്തും. അത് ജനജീവിതം മാറ്റി മറിക്കുമെന്നും മുത്തശ്ശി പ്രവചിച്ചിട്ടുണ്ട്. ഇന്ത്യയിൽ പാടശേഖരങ്ങളിൽ വെട്ടുക്കിളി ആക്രമണം വർദ്ധിക്കുകയും ജനങ്ങൾ ഭക്ഷണം കിട്ടാതെ അലയുമെന്നും പ്രവചനമുണ്ട്.
ലോകം ഇനി അമ്പരപ്പിക്കുന്ന ജലക്ഷാമമാണ് നേരിടാൻ പോകുന്നതെന്ന് ചെറുപ്പത്തിലേ തന്നെ വാംഗ പ്രവചിച്ചിരുന്നു. വെർച്വൽ റിയാലിറ്റി ലോകത്താകെ വ്യാപിക്കുമെങ്കിൽ 2022 ൽ ഇത് പൂർണമായും ആളുകളെ പിടിച്ചടക്കുമെന്ന് മുത്തശ്ശി പ്രവചിച്ചിട്ടുണ്ട്. ഭൂമിയിൽ അന്യഗ്രഹ ജീവികൾ എത്തുമെന്നും മുത്തശ്ശി മുന്നറിയിപ്പ് നൽകിയിട്ടുണ്ട്. ഔമുവാമുവ’ എന്നറിയപ്പെടുന്ന ഒരു ഛിന്നഗ്രഹത്തെ ഭൂമിയിലെ ജീവൻ അന്വേഷിക്കാൻ അന്യഗ്രഹജീവികൾ അയയ്ക്കുമെന്നാണ് വംഗ പറഞ്ഞത്.
മുത്തശ്ശിയുടെ എല്ലാ പ്രവചനങ്ങളും പിന്നീട് സത്യമായി മാറിയിട്ടുളളതിനാൽ ഇനി വരാനിരിക്കുന്ന ദുരന്തങ്ങളെ എങ്ങനെ നേരിടുമെന്ന ആശങ്കയിലാണ് ശാസ്ത്ര ലോകം.
