ഗുവാഹട്ടി : ഗുവാഹട്ടിയിലെ കാമാഖ്യ ദേവി ക്ഷേത്രം സന്ദർശിച്ച് നടി അമലപോൾ . ക്ഷേത്രം സന്ദര്‍ശിച്ചതിന്റെ ചിത്രങ്ങള്‍ അമലപോൾ സോഷ്യൽ മീഡിയയിൽ പങ്ക് വച്ചു . അമ്മയ്‌ക്ക് സ്വയം അര്‍പ്പിച്ച്, ഉള്ളിലെ ഒരു കോട്ടവും തട്ടാത്ത കുട്ടിയായാണ് മടങ്ങിയതെന്നാണ് അമലാപോള്‍ ഇൻസ്റ്റഗ്രാമിൽ കുറിച്ചത് .
ഓരോ സ്ത്രീയുടേയും ഉള്ളിലെ ശക്തിയെ ആഘോഷമാക്കുന്ന ക്ഷേത്രമെന്നാണ് താരം ചിത്രങ്ങള്‍ക്കൊപ്പം കുറിച്ചിരിക്കുന്നത്. ആത്മാവിന്റെ പാഠങ്ങളില്‍ ആഴത്തില്‍ വിശ്വസിക്കുന്ന ഒരാള്‍ക്ക് ഈ ക്ഷേത്രദര്‍ശനം എന്നത് കേവലം മാരകമായ ഒരനുഭവം മാത്രമല്ല. എന്റെയുള്ളിലെ ശക്തിയെ ഞാന്‍ ശരിക്കും അറിഞ്ഞു. ശക്തി എന്നതുകൊണ്ട് അങ്ങേയറ്റത്തെ ആക്രമണ മനോഭാവമെന്ന് തെറ്റിദ്ധരിക്കേണ്ടതില്ല. യഥാര്‍ത്ഥ രീതിയിലുള്ള ശാന്തതയും ഉള്ളിലെ നിശ്ശബ്ദതയും തന്റെയുള്ളിലെ ശക്തിയെ നിര്‍വചിക്കുന്നു – അമലപോൾ കുറിച്ചു.
അസമിലെ ഗുവാഹത്തിയ്‌ക്കടുത്ത് നിലാചൽ പേരായ കുന്നിൻരെ മുകളിലാണ് ക്ഷേത്രം സ്ഥിതി ചെയ്യുന്നത്.സന്താനസൗഭാഗ്യത്തിനായി ഇവിടെവന്ന് ഭജനമിരിക്കുന്നവര്‍ നിരവധിയാണ്. അഘോരികള്‍ എന്നറിയപ്പെടുന്ന സന്യാസിവിഭാഗത്തിന്റെ പ്രധാന ആരാധനാകേന്ദ്രം കൂടിയാണ് കാമാഖ്യക്ഷേത്രം.
