മഡ്ഗാവ്: ഐഎസ്എല്ലിൽ ഞായറാഴ്ച നടന്ന കേരള ബ്ലാസ്റ്റേഴ്സ്-ജംഷേദ്പുർ എഫ്.സി മത്സരം സമനിലയിൽ. ഇരു ടീമുകളും ഓരോ ഗോൾ നേടി. മത്സരത്തിന്റെ തുടക്കത്തിൽ മുന്നിട്ട് നിന്നത് ജംഷേദ്പുരായിയിരുന്നു. 14-ാം മിനിറ്റിൽ ഗ്രെഗ് സ്റ്റെവാർട്ടിലൂടെ മുന്നിലെത്തിയ ജംഷഡ്പൂരിനെ 27-ാം മിനിറ്റിൽ മലയാളി താരം സഹൽ അബ്ദുൾ സമദിലൂടെ സമനിലയിൽ പിടിക്കുകയായിരുന്നു ബ്ലാസ്റ്റേഴ്സ്.
സീസണിൽ സഹലിന്റെ നാലാം ഗോളാണിത്. ഇതോടെ മത്സരം 1-1 എന്ന നിലയിൽ സമനിലയിൽ ഇടവേളയ്ക്ക് പിരിഞ്ഞു. മുംബൈ സിറ്റിയെയും ചെന്നൈയിൻ എഫ്സിയെയും പരാജയപ്പെടുത്തിയാണ് ബ്ലാസ്റ്റേഴ്സ് സീസണിലെ എട്ടാം മത്സരത്തിനിറങ്ങിയത്. തുടർച്ചയായ ഏഴാം മത്സരത്തിലാണ് മഞ്ഞപ്പട തോൽവിയറിയാതെ മടങ്ങുന്നത്. സമനിലേയോടെ ബ്ലാസ്റ്റേഴ്സ് 8 മത്സരങ്ങളിൽ നിന്ന് 13 പോയന്റുമായി മൂന്നാം സ്ഥാനം നിലനിർത്തി. ഗോൾശരാശരിയുടെ കരുത്തിൽ ജംഷഡ്പൂർ രണ്ടാമതുണ്ട്.
Comments