കൊച്ചി: പറക്കാൻ പഠിക്കുന്ന ടൊവിനോയുടെ വീഡിയോയ്ക്ക് മറുപടിയുമായി സുരാജ് വെഞ്ഞാറമ്മൂട്. ചലഞ്ച് ഏറ്റെടുത്തിരിക്കുന്നു എന്ന ക്യാപ്ഷൻ നൽകി സുരാജ് സാമൂഹ്യമാദ്ധ്യമങ്ങളിൽ നൽകിയ ചിത്രവും വൈറലായി കഴിഞ്ഞു. ഉയരത്തിൽ പൊന്തിപ്പറക്കുന്ന ചിത്രം തന്റെ ഇൻസ്റ്റഗ്രാമിലാണ് താരം പങ്കുവെച്ചിരിക്കുന്നത്.
ഫോട്ടോ ഇതിനോടകം തന്നെ ആരാധകർ ഏറ്റെടുത്തു കഴിഞ്ഞു. നിരവധി കമന്റുകളാണ് ചിത്രത്തിന് ലഭിക്കുന്നത്. മിന്നൽ മുരളിയെ വെല്ലുമോ, മിന്നിച്ചേക്കണേ സുരാജേട്ടാ, മിൽ അടിച്ചോ സുരാജേട്ടാ, ഇടിവെട്ട് സുഗുണൻ, മിന്നൽ ദാമു, മിന്നൽ മുരളിയുടെ രണ്ടാം ഭാഗത്തിൽ വില്ലനാണോ?, ത്രികോണ ആകൃതിയിൽ അടിച്ച മിലിലെ മൂാമൻ തുടങ്ങിയ കമന്റുകളുമായി ആരാധകർ എത്തുകയാണ്.
ചിത്രം ഇതിനോടകം തന്നെ ലക്ഷക്കണക്കിന് പേർ കാണുകയും പങ്കുവെയ്ക്കുകയും ചെയ്തിട്ടുണ്ട്. ടൊവിനോ തോമസിനെയും മിന്നൽ മുരളിയുടെ സംവിധായകൻ ബേസിൽ ജോസഫിനെയും ടാഗ് ചെയ്താണ് സുരാജ് ഫോട്ടോ പങ്കുവെച്ചത്.
