ബഹിരാകാശത്തും ബാഡ്മിന്റൺ മാച്ച്; വാശിയേറിയ പോരാട്ടത്തിന്റെ ദൃശ്യങ്ങൾ വൈറൽ

ബാഡ്മിന്റൺ കളിക്കുന്നതിൽ വലിയ പുതുമയൊന്നുമൊന്നില്ല. എന്നാൽ ഉപരിതലത്തിൽ മര്യാദയ്‌ക്ക് നിന്ന് കാലുകുത്താൻ പോലും സാധിക്കാത്തിടത്ത് ബാഡ്മിന്റൺ കളിക്കുന്നത് കൗതുകം തന്നെയല്ലേ.. അത്തരം ചില ദൃശ്യങ്ങളാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.

Watch an orbital badminton match on the International Space Station: ESA astronaut Matthias Maurer challenged his crewmates and Japanese spaceflight participants Yusaku Maezawa and Yozo Hirano to a friendly match during their stay on the ISS. pic.twitter.com/RzFRAXHs1z

— CBS News (@CBSNews) January 2, 2022

ബഹിരാകാശത്ത് നടക്കുന്ന ഓർബിറ്റൽ ബാഡ്മിന്റൺ മാച്ചിൽ പങ്കെടുക്കുന്നവരാണ് ദൃശ്യങ്ങളിൽ. അതും ബാഡ്മിന്റൺ ‘ഡബിൾസ്’ മാച്ച്. ബഹിരാകാശ യാത്രികനായ മാത്തിയാസ് മൗറർ തന്റെ സഹയാത്രികരോട് ചലഞ്ച് ചെയ്താണ് മത്സരം ആരംഭിച്ചത്. ജാപ്പനീസ് സ്വദേശികളായ യുസാകു മേസാവയും യോസോ ഹിരാമോയുമായിട്ടായിരുന്നു സൗഹൃദ മത്സരം.

അന്താരാഷ്‌ട്ര ബഹിരാകാശ നിലയത്തിൽ അന്തരീക്ഷത്തിൽ പറന്നുകൊണ്ട് സംഘം നടത്തിയ ബാഡ്മിന്റൺ മാച്ചിന്റെ ദൃശ്യങ്ങൾ 360 ഡിഗ്രി കാഴ്ചയിലാണ് പകർത്തിയിട്ടുള്ളത്. ദൃശ്യങ്ങൾ യൂറോപ്യൻ ബഹിരാകാശ ഏജൻസി പുറത്തുവിടുകയും ചെയ്തു.

യഥാർത്ഥത്തിൽ കഴിഞ്ഞ മാസം (ഡിസംബർ 2021) നടന്ന സംഭവമാണിത്. 12 ദിവസത്തിനായി പുതിയ സംഘം ബഹിരാകാശ നിലയത്തിലെത്തിയപ്പോഴായിരുന്നു ഈ മാച്ച്. മാത്തിയാസ് മൗറർ ഇതിന് മുമ്പും വിവിധ ബഹിരാകാശ കാഴ്ചകൾ പുറത്തുവിട്ട് കാഴ്ചക്കാരിൽ കൗതുകമുണ്ടാക്കിയിട്ടുണ്ട്.

ഏതാനും നാളുകൾക്ക് മുമ്പ് സ്‌പേസിൽ മുടിവെട്ടുന്ന ദൃശ്യങ്ങൾ പങ്കുവെച്ചത് മാത്തിയാസ് മൗറർ ആയിരുന്നു. സോഷ്യൽ മീഡിയയിൽ ഏറെ പ്രചാരം നേടിയ വീഡിയോ ദൃശ്യങ്ങളായിരുന്നു അത്.

Step into the space salon where barber @astro_raja is a man of many talents 🚀💈💇‍♂️ Because none of us want hair in our eyes, or – even worse – the @Space_Station systems, our hair clippers come with a vacuum attached. Five stars for this space stylist's service ⭐️😉 #CosmicKiss pic.twitter.com/dDsXHaSgG5

— Matthias Maurer (@astro_matthias) December 19, 2021

അതുകൂടാതെ ദിവസേന രണ്ട് മണിക്കൂർ ശാരീരിക പരിശീലനം ബഹിരാകാശത്ത് നടത്തുന്ന മാത്തിയാസിന്റെ ദൃശ്യങ്ങളും വൈറലായിരുന്നു. ഭാരം അനുഭവപ്പെടാത്ത അന്തരീക്ഷത്തിൽ ശരീരം ആരോഗ്യപരമായി ഇരിക്കേണ്ടതിന്റെ ആവശ്യകത ചൂണ്ടിക്കാട്ടിയായിരുന്നു അദ്ദേഹം വീഡിയോ പോസ്റ്റ് ചെയ്തത്.

There's no exception when it comes to the daily 2h of exercise aboard the @Space_Station 🏋️ This not only serves to keep us in shape after the festive treats 😉 but is important to strengthen our muscle mass & bone density in the weightless environment of space #CosmicKiss @esa pic.twitter.com/WxbmvHuLty

— Matthias Maurer (@astro_matthias) December 27, 2021